Kryetari i Kuvendit Ilir Meta priti përfaqësuesit e FMN-së, shefen e Misionit për Shqipërinë Anita Tuladhar dhe Përfaqësuesi Rezident i FMN-së në Tiranë, Jens Reinke.
U diskutua mbi ecurinë e marrëveshjes mes FMN-së dhe qeverisë shqiptare dhe mbi klimën ekonomike në vend.
Meta njohu përfaqësuesit e FMN-së me axhendën e reformave prioritare në vend.
Meta u shpreh në takim se “Reforma në Drejtësi është thelbësore për klimën e biznesit dhe për rritjen e besimit të investitorëve të huaj”.
Më tej, kryeparlamentari shtoi se “situata ekonomike në Evropë e detyron Shqipërinë ta rrisë mirëmenaxhimin e financave publik. Është e nevojshme një rritje e efikasitetit të politikave ekonomike në vend. Duhet të thellojmë bashkëpunimin me FMN për progresin e reformave ekonomike”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
