Meta po punon për të krijuar rivalin më të ri të OpenAI! - Business Magazine Albania

Meta po punon për të krijuar rivalin më të ri të OpenAI!

Meta po punon për të krijuar rivalin më të ri të OpenAI!

Meta po  planifikon të testojë një shërbim me abonim të paguar për chatbot-in e saj të mundësuar nga inteligjenca artificiale, Meta AI, ngjashëm me ato të ofruara nga OpenAI dhe Microsoft për të pasur qasje në versionet e avancuara të chatbote-ve të tyre, tha një burim i njohur me çështjen për Reuters të enjten.

Burimi tha se testimi do të fillojë në tremujorin e dytë të këtij viti, por ata nuk presin që shërbimi me abonim të gjenerojë të ardhura të rëndësishme deri të paktën vitin e ardhshëm. I lançuar në shtator 2023, Meta AI është një asistent virtual që përdor modele të mëdha gjuhësore për të kryer detyra logjikimi.

Lexo edhe:Bashkëpunimi si çelës, C4Communities vazhdon misionin për transformimin e komuniteteve

Ky hap vjen ndërsa CEO i Meta-s, Mark Zuckerberg, synon të forcojë pozicionin e kompanisë kundër rivalëve OpenAI, të mbështetur nga Microsoft, dhe Google në garën për të dominuar hapësirën e inteligjencës artificiale. Zuckerberg tha në janar se kompania planifikon të shpenzojë deri në 65 miliardë dollarë këtë vit për të zgjeruar infrastrukturën e saj të AI-së. Meta po ashtu po krijon një divizion të ri brenda njësisë së saj Reality Labs për të zhvilluar robotë humanoidë të mundësuar nga AI që mund të ndihmojnë në detyra fizike, raportoi Reuters më herët këtë muaj. Gjiganti i mediave sociale planifikon të debutojë me një aplikacion të pavarur Meta AI për t’iu bashkuar Facebook-ut dhe Instagram-it gjatë tremujorit të dytë, raportoi CNBC të enjten më herët, duke cituar persona të njohur me çështjen. Firmat e mëdha të teknologjisë kanë investuar dhjetëra miliarda dollarë për të zhvilluar infrastrukturën e AI-së pas suksesit të ChatGPT-së.

Në janar, Microsoft tha se planifikonte të investonte rreth 80 miliardë dollarë në vitin fiskal 2025 për të zhvilluar qendra të dhënash, ndërsa Amazon ka thënë se shpenzimet e saj për vitin 2025 do të jenë më të larta se 75 miliardë dollarët e parashikuar për vitin 2024.

nyp

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0