Aksionet e Metës u rritën të enjten pasi kompania raportoi fitime më të mira se sa pritej, tha se do të blinte mbrapsht miliarda dollarë në aksionet e saj dhe kapërceu një sfidë gjyqësore ndaj ambicieve që ka për ndërtimin e platformës metaverse.
Aksionet e gjigantit të teknologjisë, pronarit të Facebook, Instagram dhe WhatsApp, u rritën me më shumë se 23 për qind, fitimi më i madh ditor i kompanisë në gati 10 vjet. Dhe ishte një lëvizje e madhe për një kompani me madhësinë e saj, duke shtuar afro 100 miliardë dollarë në vlerën e tregut në një ditë të vetme, ose rreth po aq sa i gjithë kapitalizimi i tregut të Citigroup.
Lexo edhe: ChatGPT arrin në 100 milionë përdorues. Aplikacioni open AI me rritjen më të shpejtë
Pasi e mbylli vitin e kaluar me humbje me më shumë se 60 për qind, aksionet e Metës janë rritur më shumë se 50 për qind këtë vit, pasi investitorëve të teknologjisë kanëfilluar të jenë entuziastë sërish. Nasdaq Composite, një indeks që përfshin shumë kompani të teknologjisë, përfshirë Meta, është rritur gati 20 për qind këtë vit./ New York Times
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto