Merret vendimi për pagesën e rrugës së Arbrit


Ministri i Financave, Arben Ahmetaj zbuloi se kalimi në Rrugën e Arbrit do të jetë pa pagesë, pasi qeveria ka vendosur ta financojë kompaninë private përmes buxhetit.

“Nuk do të ketë pagesë për automjetet. Në atë rrugë, relacioni i takon asaj çfarë sugjeron kompania, por qeveria është shumë e qartë që ajo rrugë do të jetë pa pagesë”, thotë ministri i Financave.

Rruga është vepra e parë e projektit 1 miliardë euro e shpallur nga qeveria. Ndërtimi i saj pritet të nis brenda pak muajsh.

“Maksimumi fundi i Qershorit dhe fillimi i Korrikut ne do të kemi një fitues të deklaruar dhe unë besoj që kantieri do të fillojë shumë shpejt pas deklarimit të fituesit”, thotë Ahmetaj.

Por qeveria thotë se ka oferta të ngjashme edhe për disa akse të tjera të rëndësishme rrugore.

“Ka oferta për rrugë në Veri të vendit, ka oferta në konsiderim për rrugë në jug të vendit, që përfshijnë aksin Delvinë-Kardhiq, Orikum-Himarë, ndërkohë që ka edhe një procedurë të avancuar nga Bashkia e Tiranës, në dijeninë time në bashkëpunim me Ministrinë e Arsimit për 20 shkolla të reja në Tiranë”, deklaroi Ahmetaj.

Në mbledhjen e fundit qeveria miratoi një bonus prej 10 % për kompaninë “Gjoka Konstruksion”, e cila ka ofruar ta ndërtojë rrugën për 33.6 miliardë lekë.

Burimi: Top Channel

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale