Liria ekonomike në Shqipëri është përmirësuar së fundi. Në renditjen ndërkombëtare që Heritage Foundation ka bërë në vlerësimin e fundit, ne jemi 13 vende më lart se një vit më parë, duke u renditur tashmë në vendin e të 52-in në botë. Rankimi i këtij viti përkon me 66.5 pikë për Shqipërinë. Megjithë përmirësimin, vendi ynë mbetet ende mes vendeve “afërsisht të lire”. Kateogritë e vlerësimit të Heritage Foundation janë: i lirë, pothuajse i lirë, afërsisht i lirë dhe pothuajse jo i lirë. Sipas raportit, progresi më i madh është bërë në uljen e varfërisë dhe rritjen e të ardhurave. Në raport thuhet se,“Progresi në rritjen e të ardhurave dhe uljen e varfërisë ka qenë i konsiderueshëm. Një regjim tregtar konkurrues i mbështetur nga një kuadër rregullator relativisht efikas ka inkurajuar zhvillimin e sektorit sipërmarrës në rritje”. Reforma në Drejtësi është një tjetër faktor i vlerësuar poyitivisht ndonëse niveli i administratës publike vijon të këtë probleme.
Lexo:Gjithçka që duhet të dimë rreth Forumit Ekonomik Botëror 2019 në Davos
Sipas raportit, “Pavarësia e gjyqësorit ka qenë subjekt i presionit politik dhe kërcënimeve, por rishkrimi i 1/3 së Kushtetutës, përfshiu një reformën më të rëndësishme që prej kohës së komunizmit. Kriminelët e dënuar nuk mund të punojnë në zyra publike, por administrata mbetet e rrënuar nga joefikasiteti, paaftësia dhe korrupsioni është i përhapur.” Në rajon, Kryeson Kosova një vend para Shqipërisë, ndërsa mbeten pas përsa i përket lirisë Serbia e vende të tjera të rajonit të Ballkanit. Sipas të dhënavetë raportit, vendet më të lira në botë për të bërë biznes vijojnë të jenë Hong Kongu, Singapori dhe Zelanda e Re.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
