Ndryshimi i algoritmit të Instagramit ka sjellë shpesh ankesa nga përdoruesit që duan të ndërveprojnë më shumë me njerëzit që ndjekin. Platforma është përpjekur të gjejë mënyra për të lehtësuar shpërndarjen e postimeve mes miqve.
Aktualisht, po teston një opsion që lejon postimet vetëm me grupin e “Close Friends”.
Kompania ka konfirmuar se testimi po kryhet në disa vende të botës, por nuk ka bërë me dije cilat.
“Ne po testojmë mundësinë që njerëzit në disa vende të përzgjedhura të ndajnë postimet në llogaritë e tyre vetëm me miqtë e afërt. Jemi gjithmonë në kërkim të mënyrave të reja që komuniteti ynë të shprehë veten dhe të ndërlidhet në Instagram”, tha një zëdhënës i Meta.
Nëse kjo risi do të aplikohet për të gjithë, do të reduktohet numri i llogarive alternative (Finsta) ku përdoruesit ndjekin dhe ndiqen vetëm nga njerëzit e afërt.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
