Një ditë pas testit të Gjuhës Shqipe, maturantët janë mbledhur sot të protestojnë para Ministrisë së Arsimit, pasi besojnë se ka patur gabime në tezën e provimit.
“Gjithë testi bazohej në pyetje subjektive. Në fund një veprim i një personi si Turi në varkë hedh poshtë gjithë punën tonë në 12 vjet. Kishte dhe gabime të rënda shkencore që nuk i kemi thënë ne, por mësuesit tanë.
Gabime kishte në pjesën e pare të morfologjisë, ku kërkohej të gjendeshin fjalitë pa folje, ndërkohë të katërta kishin folje. Ndërsa disa ishin pjesë e mësimit online. Na thanë që nuk do përfshihen, por e bënë. Ardhja e shkollës ishte fasadë për të bërë provimin e maturës.. Nuk ishte menduar mirë teza. Nuk ishte realiteti i 12 viteve punë që ne kemi bërë.”– tha një nga maturantët.
Ata janë duke protestuar para ministrisë me pankarta në duar, duke bllokuar edhe rrugën kryesore.
Një maturante tha se: “Ministria e Arsimit na mori më qafë të ardhmen tonë. Kemi mësuar 12 vjet vetëm morfologji, stintaksë, çdo gjë… dhe asnjë prej tyre nuk ishte përfshirë në provim.
Lexoni: 31 pacientë me COVID-19 gjatë 24 orëve të fundit
Ne kemi parë dhe në vitet e kaluara se protestat s’kanë sjellë asgjë në dritë, por të paktën ndihesh mirë që lufton për të drejtat e tua.”
Disa prej maturantëve kërkojnë ripërsëritje të provimit të gjuhës. “Ne shpresojmë shumë të na dëgjojnë, të paktën të mos ndodhë e njëjta situatë me dy provimet e tjera”, thanë disa prej tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
