Maserati Levante GTS është ëndrra italiane për të gjithë familjen

Maserati Levante GTS është ëndrra italiane për të gjithë familjen


Goodwood Festival of Speed, është me të vërtetë festivali i të gjithë të apasionuarve të 4 rrotakut. Si i tillë, është edhe vendi perfekt për të prezantuar makinat. Maserati prezantoi aty 2 versione të reja për modelin Levante. Levante GTS dhe Trofeo.

Kështu, klientët kanë mundësi të zgjedhin edhe modele të tjera përveç atyre me motor V6, të cilat minimalisht për mendimin tim, nuk ishin ajo çka ajo emblemë duhet të mbante.

Modeli Trofeo është maja e performancës për modelin në fjalë. Ai ka një motor 3.9 litër twin-turbo, i cili prodhon plot 590 kuaj fuqi.

Por, modeli GTS duket se është një model më i balancuar.

Është një histori që ndodh gjithmonë në fakt. Në vitet e tua të rinisë ti ke qënë një i apasionuar i shpejtësisë. Pa përgjegjësi të mëdha, ndonjë herë dhe i shfrenuar, ja ku erdhi momenti që ti martohesh, bëhesh me fëmijë, dhe nuk mundesh më të jesh rebeli i disa viteve më parë.

Maserati Levante GTS, është pikërish për të të ardhur në ndihmë.

Levante GTS ka një motor nga 3.8litër V8 twin-turbo nga Ferrari. I aftë të prodhojë 550HP dhe 730Nm torque, ai mundet ta përshpejtojë makinën nga 0 në 100km/h për 4 sekonda. Shpejtësia maksimale është 291km/h. Versioni Trofeo përshpejton nga ana tjetër 0-100km/h për 3.7 sekonda dhe ka një shpejtësi maksiamale prej rreth 300km/h.

Nga ana vizuale, Levante GTS vjen me një bodykit tjetër. Kjo e bën atë të ndryshëm nga Levante-t e zakonshme, dhe ashtu si vetë kompania e përshkruan, është “sportiv por jo i sofistikuar”.

Në brendësi, salloni është ashtu siç i ka hije një makine italiane me histori. Pronarët do të mund të shijojnë lëkurën premium, pedalet sportive, dhe fibrën e karbonit. Ndërkohë që një sistem audio me 14 speaker nga Harman Kardon do të jetë standarte.

Kompania gjithashtu thekson faktin se kanë ndryshuar levën e marshit. Kjo e fundit, u bë subjekt për një “recall” vitin që shkoi. Kambio në fjalë është ZF me 8 shpejtësi. Ajo është e përmirësuar dhe operon më mirë dhe më shpejt se sa ato të kaluarat.

“I ashpër dhe i mirë balancuar, shasia e Levante është modifikuar vetëm për këtë model në mënyrë që të përballojë fuqinë e Levante GTS. Ajo tashmë ofron një eksperiencë të ngjashme me atë të GranTurismo me motorin e ri V8.” – u shpreh kompania në një deklaratë për shtyp.

Çmimet respektive: Levante GTS fillon nga $119,980, kurse Trofeo $169,980.

Ndërsa Trofeo duket pak më “hardocore”, GTS, duket se është balanca perfekte midis të qenit i zakonshëm, dhe të qenit shumë i shpejtë.

Burimi: The Drive

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0