Masat e reja për sezonin veror, ja se si do të pushohet në plazhe

Masat e reja për sezonin veror, ja se si do të pushohet në plazhe

sezoni veror

Ministria e Turizmit dhe Mjedisit dhe ajo e Shëndetësisë dhe Mbrojtjes Sociale kanë publikuar protokollin e sigurisë për sezonin e ri turistik. Urdhri i përbashkët është publikuar në Fletoren Zyrtare.

Përpara se të bëni gati valixhet për pushimet, duhet të lexoni këtë protokoll dhe të keni parasysh të gjitha rregullat që duhet të ndiqni, kur të shkoni në plazh.

Këtu parashikohet në detaje se si do operojnë sipërmarrjet në fushën e turizmit, duke nisur nga largësia e çadrave mes tyre dhe duke vijuar me higjienën në dhoma dhe në çdo ambient tjetër të shërbimeve hoteliere, bare e restorante.

Si fillim çdo qytetari, përpara se të hyjë në zonën e plazhit, do t’i matet temperatura dhe do të plotësojë një formular për t’u njohur me historikun e udhëtimeve dhe sëmundjeve për të pasur mundësi më tej për t’u ulur në shezlonge që duhet të jenë jo më afër se 3.5 metra nga njëri-tjetri.

Distanca duhet respektuar jo vetëm në rërë, por edhe në det. Përveç prindit që kujdeset për fëmijët, të gjithë duhet të qëndrojnë jo më afër se 3 metra nga tjetri.

Lexoni: Këtë verë, shprehu me Galaxy Z Flip

Pasi t’i keni larë duart me sapun dhe ujë, ju duhet t’i thani ato plotësisht. Xheli me përbërje alkoolike për higjienën e duarve duhet të përdoret në mënyrë periodike, madje edhe kur mbahen doreza.

Stafi i shërbimit, që ka kontaktet me pushuesit/vizitorët duhet të përdorë patjetër doreza dhe maska mbrojtëse, që konsiderohen si mjete të domosdoshme në parandalimin e transmetimit të COVID-19.

Stafi i recepsionit duhet të mbajë pastër ambientin e tyre të punës dhe në fund të çdo ndërrimi turni të pastrojë me kujdes tryezën dhe pajisjet (për shembull: telefon, tastierë, ekran me prekje, stilolapsa, lapsa dhe sende të tjera).

Për të gjithë ata që mezi prisnin të organizonin “shkuma party” dhe festa në plazh, nuk do ta kenë këtë mundësi, pasi nuk do të lejohen grumbullimet.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0