Në një website të posaçëm, Mak Albania ka prezantuar Mak Tirana Hotel, po me 5 yje. Siç vërehet edhe nga fotot, ka një ndryshim në arredimin e ambienteve dhe sallave të mëparshme.
Duke theksuar pozicionin e favorshëm, në Tiranë dhe largësinë vetëm 20 minuta nga aeroporti, menaxhimi i ri, ka lançuar edhe çmime ofertë për muajin janar, muaji i parë i punës për Mak Tirana Hotel.
Në përgjigje të mediave shqiptare, grupi Ndërkombëtarë i hotelerisë, pjesë e të cilit prej pak vitesh është edhe grupi ndërkombëtar Sheraton, pati theksuar se për arsyet e largimit, duhet të pyetet menaxhimi i grupit Mak Albania. Nga kjo e fundit nuk ka pasur qëndrime, ndërsa të dhënat në Qendrën Kombëtare të Biznesit, flasin për humbje të mëdha financiare që Mak Albania ka pasur ndër vite.
Lexoni: Mak Albania prej vitesh në shitje. Ikën hotel Sheraton
Pas krizës financiare ndërkombëtare, tregu i turizmit ka pasur zhvillime të dukshme si në nivel ndërkombëtar, edhe atë lokal. Vetë rrjeti i njohur “Sheraton” u ble para një viti nga grupi po i njohur i hotelerisë botërore “Marriott”.
Ndërkohë, dy vitet e fundit, në tregun vendas, është shtuar ndjeshëm konkurenca e hoteleve me standarde të larta. Hapja e hotel “Plazza” shtoi kapacitetet e shërbimit të niveleve të larta në Tiranë, ndërkohë edhe në segmentin me 4 yje ka shtim konkurence. Hotel “Rogner” pothuajse ka dyfishuar kapacitetin e tij pritës dhe hotel “Tirana” pritet të zgjerohet në vitet në vijim me një godinë tjetër të madhe bashkëngjitur saj, për të cilën sipërmarrësi ka marrë tashmë lejen e ndërtimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
