Kreu i X (ish Twitter), Elon Musk, ka kërcënuar Apple me veprime ligjore, pasi pretendoi se kompania e kishte bërë “të pamundur” për aplikacionet të konkurronin me OpenAI, krijuesin e ChatGPT në App Store.
Ai e quajti drejtorin ekzekutiv të OpenAI, Sam Altman, një “gënjeshtar”, pasi Altman kishte deklaruar se Musk përdorte platformën e tij për të “përfituar personalisht dhe në favor të kompanive të tij”.
Kjo përplasje shënon pikën më të fundit të tensioneve të vazhdueshme mes dy miliarderëve, të cilët dikur bashkë-themeluan OpenAI, por sot garojnë ashpër pas largimit të Musk nga kompania.
Lexo edhe: TikTok sfidon “fake news” me shënime komunitare – a funksionon vërtet ky model?
Apple njoftoi në qershor 2024 një partneritet me ChatGPT, por nuk ka asnjë dëshmi se kompania favorizon një aplikacion ndaj tjetrit. Që atëherë, disa aplikacione të tjera rivale të inteligjencës artificiale, si DeepSeek dhe Perplexity, kanë kryesuar listat e shkarkimeve në App Store.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
