Prej disa vitesh tashmë, BlackBerry nuk është në formën e mirë që e karakterizoi në dekadën e kaluar.
Kompania kanadeze, u themelua në vitin 1999. BlackBerry 850 ishte aparati i parë celular i kompanisë. Me një tastierë QWERTY dhe me një formë pak të çuditshme, ky ishte fillimi i një rruge të re për kompaninë…por edhe për industrinë. Ai ishte një nga zgjedhjet kryesore të profesionistëve apo edhe njerëzve të biznesit.
Për më tepër, BlackBerry u bë i njohur edhe për shkak të faktit se ishte një nga celularët më të sigurt në kohën e artë të kompanisë. Por ndërkohë që teknologjia përparonte, kompania nuk u përshtat shpejt me të. Kjo çoi në uljen e shitjeve të kompanisë. Për më tepër, në një formë apo një tjetër, BlackBerry i drejtohej një tregu specifik. Funksionalitetet e saj ishin të kufizuara për shkak të kësaj. Kështu që nuk mund të ishte një nga zgjedhjet më të mira të një klienti të zakonshëm. Për më tepër sistemi Android vlerësohej më i mirë se sistemi i BlackBerry.
Një nga përpjekjet e para ishte modeli Z10, i prezantuar në Janar 2013. Por, kompania ishte mbrapa në krahasim me konkurentët e saj. Samsung, HTC, etj ishin ndërkohë fort në treg dhe kanadezet tashmë ishin në përpjekje mbijetese.
Shpesh, ndodh që pas një dështimi të caktuar, kompani të ndryshme ta kanë të vështirë të rimarrin besimin e klientëve. E ndonëse BlackBerry dikur ishte një kompanime një status të veçantë, duket se nuk e ka shfrytëzuar këtë aset…ose ndoshta tregu është aq i egër sa nuk i intersojnë të tilla detaje.
Më poshtë, vijon një video e një BlackBerry DTEK60 në krahasim me një Google Pixel:
https://youtu.be/KP8xZ67bPvw
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English