Janë shpallur fituesit që do të bëjnë studimin e fizibilitetit dhe projektin për ndërtimin e hekurudhës Durrës-Prishtinë.
Qeveria shqiptare, përmes Drejtorisë së Hekurudhës Shqiptare ka përzgjedhur si fitues edhe bashkimin e kompanive “ILF Consulting Engineers Austria GmbH” – ABKONS SH.P.K.
Dy kompanitë kanë ofruar 168.9 milionë lekë për të realizuar këtë projekt nga 200 milionë lekë që ishte fondi limit i vendosur në dispozicion nga qeveria në buxhet për këtë qëllim.
Lexo edhe: Qeveria propozon ligjin për sigurimin e detyrueshëm të shtëpive nga tërmetet
Kompanitë do të kenë afat 14 muaj për të bërë studimin e fizibilitetit dhe për të ndërtuar projektidenë e hekurudhës Durrës-Prishtinë.
Ekzistojnë dy alternativa për studimin e fizibilitetit të hartuar nga Hekurudha Shqiptare.
E para parashikon në total një gjatësi prej 137 km. Ajo nis nga stacioni i Mjedës në Shkodër, deri në kufirin me Kosovën, rreth 107 km. Linja e re linja kalon në dy tunele të njëpasnjëshëm për shkak të terrenit të vështirë deri në zonën e Repsit, pranë autostradës Rrëshen-Kalimash. Kjo linjë parashikon ndërtimin e një tuneli në zonën e Bisakut dhe të një ure mbi liqenin e hidrocentalit të Fierzës për të arritur në Morinë.
Ndërsa nga pjesa e Kosovës, linja hekurudhore parashikon të shkojë në Gjakovë. Linja Kramovik-Qafë Morinë e gjatë 30 km. Ky është projekti më i kushtueshëm nga ana financiare.
Alternativa e dytë është 125 km, kalimi i hekurudhës parashikohet Milot – Kufiri në Vërmicë – Landovicë. Pjesa shqiptare së bashku me pjesën Milot – Rrëshen mbulon një gjatësi prej rreth 108 km. Ndërsa nga Kosova linja Klinë – Prizren deri në kufirin në Vermicë llogaritet në rreth 17 km.
Firmave fituese u është dhënë si mmundësi të ndërtojnë një alternativë të tyre mbi këtë projekt hekurudhor.
Kostoja e ndërtimit të linjës hekurudhore Durrës – Prishtinë parashikohet të kapë një vlerë prej 700 milionë euro dhe do të financohet nga buxhetet e dy shteteve Shqipëri-Kosovë.
Pjesë e studimit të fizibilitetit do të jetë edhe situata gjeologjike e terrenit ku do të shtrihet hekurudha raporti topografik dhe ndikimi mjedisor.
Shqipëria, në buxhetin e vitit 2024 ka vënë në dispozicion të projektit të fizibilitetit për këtë hekurudhë 50 milionë lekë, ndërsa në buxhetin aktual shpenzimet e parashikuara janë 73 milionë lekë.
Ky projekt ambicioz është mbështetur nga të dyja qeveritë, Shqipërisë dhe Kosovës, gjatë mbledhjeve të përbashkëta, në të cilat kanë shprehur domosdoshmërinë e lidhjes hekurudhore mes dy shteteve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English