Disa janë të tipit diktaturë: Do të bësh si të them unë, ose pushohesh nga puna! Bëj çfarë them unë të bësh! Ka funksionuar vite më parë. A funksionon tani? Jo!
Disa lider të tjerë, duan të udhëheqin me kujdes, ku të gjithë të duan njëri-tjetrin, të gjithë janë dashamirës, punëtorë dhe të apasionuar. A funksionon? Po? Mbase? Jo?
Unë preferoj një lider që udhëheq me vizion! I cili arrin të zbulojë qëllimet dhe ëndrrat e punonjësve, ato çfarë i bën ata të shpërthejnë në produktivitet.
Pra: JO diktature! JO kujdes! PO vizion!
Liderët e mëdhenj inspirojnë PUNË!
Njerëzit që punojnë rreth liderve të tillë, punojnë fort, sepse LIDERËT I INSPIROJNË TË PUNOJNE FORT!
Pra, ndjekësit apo punonjësit, duan të punojnë sepse është në interesin e tyre për të punuar fort, jo sepse ti detyron të punojnë fort, jo sepse ti do që të punojnë fort.
Marrin rastin e besimtareve në fe! A bëjnë sakrifica për besimin? PO! A paguhen? JO! Por, pse e bëjnë? Sepse kanë një lider, i cili ka një vizion, i cili udhëheq një grup, i cili ka një kulturë! Dhe ata ndjekin një lider, i cili i inspiron!
Pra, që të jesh një lider duhet të jesh inspirues, të jesh i qartë, të jesh karizmatik, etj. Të gjitha këto, bëjnë që të mos jetë e lehtë të jesh një lider.
Nje lider i mirë, është një grua/burrë, i cili ka aftësinë, t’i bëjë të tjerët të bëjnë, atë çfarë ata nuk duan të bëjnë dhe ndërkohë ta duan atë që po bëjnë! Harry S. Truman.
Të mos harrojmë, që suksesi do të vijë, atëherë kur punonjesve t’ua ndiejë për klientët dhe punën tënde!
Do të ishte fantastike të bësh anëtarët e skuadrës të mbikujdesen për arritjen e suksesit të kompanisë, të inspirosh skuadrën të shkojë në limite, të sfidojnë veten në nivelet më të larta, të refuzojnë të dështojnë, dhe të bëjnë gjithë sakrificat e nevojshme për të arritur fitoren.
(Ju kujtoj një nga sukseset e Elon Musk, kur u kërkoi inxhinierëve të tij në Space X, të ndërtonin sistemin kompjuterik të një rakete për 10,000$, ndërkohë që kjo ishte një shifër ekstreme sipas standardeve të industrisë së hapsirës, ku sistemi elektronik i një rakete kushtonte të paktën 10 milionë $. Elon i frymezoi inxhinierët e tij, me idenë e qartë në mendjen e tij, se Space X, do të krijonte mundësinë që të gjithë njerëzit të kishin mundësinë të udhëtonin drejt planetit Mars me kosto minimale, dhe vërtetë arriti t’i shtynte ata drejt të pa imagjinueshmes)
Mund ta arrish këtë, vetëm nëse ke një mision! Dhe misioni, këtu është problem, me shumicën e sipërmarrësve. Shumë mund të bëjnë biznes, por janë shumë egoistë, të përqëndruar te vetja, fokusohen vetëm në çfarë unë përfitoj, dhe nëse u bën pyetjen, përse jeni në biznes, përgjigja e tyre është: “që të bëj para dhe të paguaj faturat, të blej gjëra të mira (luksi), të jetoj mirë etj. A inspiron kjo ndokënd??? JO nuk inspiron asnjë!
Punonjësit kanë nevojë për diçka më të madhe. Duan diçka tek e cila të besojnë! Pra, cilido që të jetë vizioni juaj, duhet të jetë më largpamës!
Le te kthehemi dhe njëherë te pyetja! Do të donit të ndiqnit një lider, i cili do të bëjë para për të paguar borxhet, kredinë, faturat, rrogat etj?
Sigurisht që jo!
Do të preferonit një lider, i cili bën diferencën, i cili bën impakt, i cili kontribuon, i cili po e bën këtë punë, për një mision që shkon përtej interesave personale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
