Ministrja për Europën dhe Punët e Jashtme, Olta Xhacka përmes një njoftimi të publikuar në profilin e saj në Facebook ka njoftuar se prej datës 13 korrik qytetarët shqiptarë, veçanërisht banorët e Ersekës dhe Përmetit do të mund të lëvizin më lehtësisht drejt Greqisë.
Pika doganore e Tre Urave, do të hapet prej së martës e në vijim, nga ora 08:00 – 20:00.
Pika doganore e Qaf Botës do të funksionojë 24 orë dhe pa asnjë kufizim të numrit të udhëtarëve.
Gjithashtu, në këtë doganë do të lejohet edhe kalimi i kamionëve, furgonëve të mallrave, si dhe autobusëve.
Ajo shton që përpara se të lëvizni drejt Greqisë dhe vendeve të tjera në BE apo jashtë saj, informohuni për protokollin, përmes adresës zyrtare të MEPJ.
https://punetejashtme.gov.al/al/informacion-mbi-levizjen-e-shtetasve-shqiptare-ne-shtetet-e-huaja
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
