Miqtë e fëmijërisë në Oman, të cilët zbuluan se si ta kthenin dioksidin e karbonit në shkëmb, janë ndër pesë fituesit e zgjedhur për çmimin prestigjioz “Earthshot” të Princit të Uellsit.
Ky çmim u krijua nga Princi William për të financuar projekte që synojnë të shpëtojnë planetin. Secili fitues do të marrë 1 milion £ (1.2 milion dollarë) për të zhvilluar projektet e tyre novatore.
Princi William shpalli fituesit të premten në një ceremoni çmimesh në Boston në SHBA. Projektet fituese janë të bazuara në Kenia, Indi, Australi, Mbretërinë e Bashkuar dhe Oman.
Lexo edhe: AlbaniaTech në “Startop”. Panelistët njihen me platformat që ndihmojnë start-upet
Kush janë fituesit?
- Pastroni ajrin tonë:
Mukuru Clean Stoves, Kenia: Kenia’s Mukuru Clean Stoves është një biznes i themeluar nga femra me staf kryesisht femra. Ata prodhojnë soba që ndizen nga biomasa e përpunuar e bërë nga qymyri, druri dhe kallam sheqeri në vend të lëndëve djegëse të ngurta, të cilat mund të çojnë në ndotje të ajrit dhe aksidente që marrin katër milionë jetë çdo vit, tha Earthshot Prize.
- Mbroni dhe rivendosni natyrën:
Kheyti, Indi: Në Indi, Sera-in-a-Box i Kaushik Kappagantulu-s ndihmon fermerët e vegjël të mbrojnë të korrat e tyre nga moti ekstrem dhe dëmtuesit, në një vend që është ndikuar rëndë nga ndryshimet klimatike.
- Ndërtoni një botë pa mbeturina:
Notpla, Mbretëria e Bashkuar: Një zgjidhje pa mbeturina nga Britania e Madhe ishte gjithashtu ndër fituesit, ku Pierre Paslier dhe Rodrigo Garcia Gonzalez kanë mundur të krijojnë plastikë natyrale, të bio-degradueshme të bërë nga alga deti. Kompania bëri më shumë se një milion kuti ushqimore për platformën e shpërndarjes së ushqimit Just Eat këtë vit.
- Rigjallëroni oqeanet tanë:
Australi: Gratë Indigjene të Reef Barrierës së Madhe në Australi u zgjodhën për një program që ka trajnuar mbi 60 gra në metodat tradicionale dhe dixhitale të ruajtjes së oqeanit.
- Rregulloni klimën tonë:
44.01, Oman: Në Oman, projekti 44.01 i Talal Hasan premton ta kthejë dioksidin e karbonit në peridotit, një shkëmb që gjendet me bollëk si në Oman ashtu edhe globalisht, duke përfshirë SHBA-në, Evropën dhe Azinë. Ai ofron një alternativë me kosto të ulët dhe të sigurt për metodat tradicionale të ruajtjes së karbonit, të cilat përfshijnë groposjen e tij nën tokë në puset e naftës të papërdorura.
Talal Hasan, themeluesi i 44.01 tha se fitimi i çmimit Earthshot ishte “një moment krenarie” për ekipin e tij.
“Ne filluam 44.01 dy vjet më parë, sepse pamë ndikimin real të ndryshimeve klimatike këtu në Oman,” tha ai.
“Fitimi i Çmimit Earthshot do të na ndihmojë të shkallëzojmë zgjidhjen tonë në mbarë botën dhe përfundimisht të eliminojmë miliarda tonë CO2. Ndryshimi i klimës është sfida më e madhe me të cilën jemi përballur ndonjëherë, por të qenit pjesë e këtij grupi të mahnitshëm finalistësh na jep shpresë.”/ BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
