Papua Guinea e Re, një komb me mbi 8 milionë banorë, ka deklaruar se do të mbyllë Facebook për një muaj.
Qeveria e PGR thotë se kjo shkëputje do t’i japë kohë për të vlerësuar shpërndarjen e përmbajtjeve të pakëndshme në rrjet si porno apo lajmet e rreme. Qeveria gjithashtu tha se po eksploron mundësinë për të krijuar rrjetin e saj social për të zëvendësuar Facebook.
“Kjo kohë do të lejojë mbledhjen e informacionit për të identifikuar përdoruesit që fshihen pas adresave të rreme, përdoruesit që shpërndajnë imazhe pornoografike, përdoruesit që postojnë informacione jo të vërteta në Facebook, të cilat do të filtrohen dhe fshihen menjëherë”, tha Ministri i Komunikacionit Sam Basil.
Facebook tashmë është i bllokuar zyrtarisht në vende si Kina, Irani dhe Korea e Veriut.
“Kjo do të lejojë njerëzit e vërtetë me identitete reale të përdorin rrjetin social me përgjegjësi,” shtoi ai.
Ai tha gjithashtu se ekspertët e teknologjisë në PGR janë të aftë të zhvillojnë një alternativë të re lokale për Facebook.
“Nëse do të jetë e nevojshme, ne do të mbledhim zhvilluesit tanë të aplikacioneve për të krijuar një faqe që është më e favorshme për banorët për të komunikuar brenda dhe jashtë vendit,” citon Basili.
Facebook tha se kompania ka kontaktuar me zyrtarët e PGR “për të kuptuar shqetësimet e tyre”.
/AlJazeera
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
