Kompania Valkyrie pritet që së shpejti të prezantojë super jahtin luksoz dhe njëkohësisht më të madhin në botë. Gjatësia e tij do të jetë 229 metra.
Interesant është fakti që nuk do të jetë e nevojshme të jeni miliarder për të hipur në bord. Chulhun Park projektuesi i këtij jahti tha për CNN Travel se ka dashur të krijojë një jaht unik në formën e një flote.
Ky jaht do të përfshijë një kazino, teatër, galeri arti dhe do të jetë i hapur për publikun. Duke qenë se shumica e njerëzve e konceptojnë jahtin si një pronë ekskluzive që përdoret nga miliarderët për të ekspozuar pasurinë e tyre, ky jaht do të vijë më një risi. Arkitektura lundruese do të përdoret nga publiku. Materiali, i cili përdoret për ndërtimin e tij do të jetë prej çeliku ose alumini dhe një superstrukturë prej karboni. Kostoja e jahtit mendohet të arrijë deri në 800 milionë dollarë.
Lexo:https://businessmag.al/jahtet-ne-brigjet-shqiptare-30-me-shume-se-nje-vit-me-pare/
Projekti u mbështet nga dizenjuesit e jahteve me bazë në Monako. Valkyrie do të strehojë 52 të ftuar në 26 kabina, së bashku me 92 anëtarë të ekuipazhit në 46 kabina. Park shton se kapaciteti i jahtit mund të përballojë një numër më të madh vizitorësh. Ai shprehet i sigurt se projekti shumë shpejt do të bëhet realitet pasi edhe interesimi për të ka qenë i madh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
