Singapori është vendi me internetin më të shpejtë në botë për momentin, me një shpejtësi mesatare të transferimit të dhënave prej 270.62 megabit për sekondë.
Sipas Indeksit Global të Speedtest, në vendin e dytë renditet Hong Kongu, në vendin e tretë Monaco, pasuar me Kilin në vendin e katërt dhe Kinën në vendin e pestë. Po Shqipëria ku renditet?
Shqipëria, sipas statistikave të Speedtest, renditet në vendin e 88 në botë për sa i përket shpejtësisë së internetit. Shpejtësia mesatare e transferimit të dhënave është 57.10 megabit për sekondë, sipas kalkulimeve të kësaj website.
Shpejtësia e internetit në botë matet nga një mori faktorësh, megjithatë ajo ndonjëherë varet edhe nga ambientet e caktuara.
Interneti tokësor me operatorë në Tokë zakonisht është më i dobët në vende të largëta rurale. Kjo është arsyeja pse Starlink (shërbimi me internet satelitor) i Elon Musk synon që të shtrojë rrjetin e internetit edhe në zonat më të largëta, ku më herët qasja nuk ishte e mundur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
