PROFIL-Doktori shqiptar Kujtim Thaçi ka arritur një sukses të jashtëzakonshëm, duke u bërë shqiptari i parë që publikon një punim shkencor në Universitetin e Harvardit një nga institucionet më prestigjioze në botë.
“Kam nderin dhe kënaqësinë të ndaj me ju suksesin tim të jashtëzakonshëm: publikimin e punimit shkencor si autor i parë me Harvard Medical School. Ky punim është botuar në revistën Glycoscience & Therapy të Chinese Academy of Sciences,” ka shkruar Dr. Thaçi.
Punimi i tij trajton një temë me ndikim të madh në mjekësinë moderne: rëndësinë e glikozilimit të immunglobulinës IgG në zhvillimin e metodave të reja për zbulimin dhe trajtimin e hershëm të hemokromatozës neonatale një sëmundje e rrallë që prek foshnjat e porsalindura.
Ky zbulim shkencor hap horizonte të reja për diagnostikim dhe menaxhim më të mirë prenatal dhe postnatal të kësaj sëmundjeje, duke e bërë këtë arritje një kontribut të çmuar për shëndetin global.
“Ky punim thekson, për herë të parë, rëndësinë e glikozilimit të immunglobulinës IgG për zhvillimin e qasjeve të reja diagnostikuese dhe terapeutike për zbulimin e hershëm, si dhe për menaxhimin pre dhe postnatal të hemokromatozës neonatale. Koncepti shkencor i thellë, si dhe stili i shquar akademik, bënë që ky punim të pranohet për botim nga Chinese Academy of Sciences. Sugjeroj që të gjithë profesionistët shëndetësorë dhe shkencëtarët tanë, sidomos specialistët e imunologjisë, pediatrisë dhe reumatologjisë, ta lexojnë me vëmendje këtë studim,” u shpreh Dr. Thaçi në një postim të tij në Facebook.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English