Kufjet e reja të Google përkthejnë 40 gjuhë
Përditësuar së fundmi: 06/10/2017

Kufjet e reja të Google përkthejnë 40 gjuhë

Share
nga Neada Muçaj
Tet 06, 2017

Google zhvilloi eventin e tij të përvitshëm për paisjet hardware këtë të Mërkurë, ku prezantoi telefonin e ri Pixel dhe Google Home. Por, produkti i cili tërhoqi më shumë vëmendjen gjatë prezantimit ishin një palë kufje.

Kufjet me superfuqi, të quajtura Pixel Buds, janë kundërpërgjigjia për AirPod-ët e Apple. Këto kufje bëjnë diçka që kufjet e Apple nuk mund ta bëjnë: Përkthejnë gjuhën e folur në kohë reale.

Ky proces realizohet përmes Google Translate, i cili është përfshirë në sistemin e Google Pixel. Mjafton të shtypni kufjen e djathtë dhe të thoni diçka të tillë: “Më ndihmo të flas spanjisht,” (Help me speak Spanish) dhe Google i futet punës. Personi pranë jush mund të flasë Spanjisht, ndërkohë kufjet do të bëjnë përkthimin.

Platforma operon në 40 gjuhë të ndryshme.

Kufjet Pixel mund të përdoren edhe në iPhone, por përkthimi mundësohet vetëm në telefonat Pixel.

Kufjet lidhen me Bluetooth me telefonin tuaj dhe çmimi i tyre është 159 dollarë.

Kufjet Pixel do të dalin në shitje në muajin nëntor dhe do të jenë dhurata më e bukur që mund të merrni për festat e fundvitit.

/INC