Krijuesi i Ethereum në Mal të Zi. Kryeministri shqiptar i bën mikpritjen: “Pjesë e revolucionit” - Business Magazine Albania

Krijuesi i Ethereum në Mal të Zi. Kryeministri shqiptar i bën mikpritjen: “Pjesë e revolucionit”

I nominuari për kryeministër të Malit të Zi, Dritan Abazoviq, ka pritur në takim Vitalik Buterin, krijuesin e valutës së dytë digjitale më të madhe në botë, Etherium. Abazoviq nuk ka dhënë shumë detaje nga takimi, por ka shkruar se “Mali i Zi është gati të jetë unik në botë”.

“Ne do të jemi pjesë e revolucionit digjital global”, ka shkruar Abazoviq,.

Kriptovaluta Etherium, është e dyta në botë sa i përket çmimit të saj në tregun digjital, ku momentalisht kap shifrën prej 3 mijë e 37 euro.

Ethereum është në thelb një softuer kompjuterik që përdor teknologjinë blockchain për të siguruar një libër dixhital për regjistrimin e transaksioneve.

Është bërë baza më e njohur për një grup në rritje të aseteve dhe aplikacioneve të kriptove komerciale, duke përfshirë produkte huadhënëse, token të pandryshueshëm (NFT), si dhe tokenin e tij, Ether. Ethereum nuk është në pronësi të askujt, por i ndërtuar dhe i rafinuar nga një komunitet zhvilluesish, dhe funksionon në një rrjet qendrash të dhënash në të gjithë botën.

Shqipëria aktualisht ka miratuar një ligj për kriptomonedhat, që bëjnë të mundur tregtimin e tyre në pikat e Exchange si dhe i jep akses teknologjisë së Regjistrave të Shpërndarë, ndërsa vendi po përpiqet të bëhet tërheqës në sytë e investitorëve të huaj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0