Krijohet Dhoma Ekonomike e Gruas - Business Magazine Albania

Krijohet Dhoma Ekonomike e Gruas

Dhoma Ekonomike e Gruas

Është krijuar Dhoma Ekonomike e Gruas, kushtuar gruas dhe sipërmarrjes. Ajo vjen si një nismë e grave sipërmarrëse dhe profesioniste me dhjetëra vite përvojë në fushat e tyre.

Kryetarja e kësaj Dhome Antonela Hako thotë se, kjo nismë synon të fuqizojë gruan, familjen dhe ekonominë shqiptare. Dhoma parashikon të ngrejë dhe mbrojë interesat e sipërmarrjes.

Me eksperiencë në fusha të ndryshme të biznesit dhe konsulencës, grupimi i grave themeluese ka mundësi të sinkronizojë njohuritë, energjinë dhe dëshirën për kontribut, në mënyrë që ta përçojë edhe tek shumë sipërmarrje të tjera.

Gratë në karrierë e biznes përballen me sfida të mëdha në nivel lokal dhe global: studime të shumta flasin për aksesin e ulët të gruas në financa krahasuar me meshkujt, ndërsa në vendet në zhvillim, sfidat e gruas janë edhe më komplekse.

Por, njëkohësisht gruaja është potencial i madh dhe burim i pashtershëm energjie. Pikërisht ajo, që i nevojitet ekonomisë dhe vendit tonë.

Themelueset e kësaj dhome thonë se, qëllimi është mbrojtja e interesave ekonomike dhe sociale të grave sipërmarrëse, profesioniste dhe të vetëpunësuara në të gjitha fushat. Dhoma parashikon të ofrojë shërbime, që nxisin zhvillimin ekonomik e social të tyre, promovim dhe mundësi bashkëpunimi veprimtari promovuese dhe zhvilluese, bashkëpunime kombëtare dhe rajonale, studime, botime, projekte dhe konsulenca.

Themelueset e kësaj dhome janë të angazhuara në tregun e prodhimit dhe shërbimeve në vend, si dhe në fushën e konsulencës. Ato janë:

Antonela Hako, drejtuese e kompanisë Hako. Karriera e saj nis me studimet në ekonomi. Në vitin 1990 angazhohet me punë pranë qendrës së informatikës ekonomike në Tiranë. Pas emigrimit, 4 vite në Greqi, rikthehet në Shqipëri për t’u marrë me biznes. Sot, Hako ka mbi 200 të punësuar në të gjithë vendin, ndërsa kanë nisur projektin e zhvillimit edhe në Kosovë.

Antoneta Ndreka, sipërmarrëse e Lufra, e angazhuar prej 20 vitesh në menaxhimin e cilësisë pranë Lufra-s, planifikimin e menaxhimin e burimeve njerëzorë dhe planifikimin e prodhimit. Ajo ka ndjekur kurse për teknika dhe procese të ndryshme të prodhimit të qumështit UHT, të marra në disa module në Itali në grupin Parmalat. Përmes USAID / Partnerët, ajo bëhet pjesë e disa programeve kualifikimi fokusuar tek drejtuesit e industrisë së qumështit.

Albana Muçaj, gazetare e çështjeve ekonomike dhe eksperte në fushën e komunikimit, prej 4 vitesh drejton edhe qendrën Multifunksionale Kallz. Sipërmarrje e fokusuar në shërbimet për fëmijët, prindërit, familjen. Krahas programit pas shkolle, kurseve dhe programeve verore dhe dimërore për fëmijë e të rritur, Albana vjen edhe me një media dedikuar prindërve dhe fëmijëve, Revista Kallz.

Alida Kondi, e diplomuar në fushën e ekonomisë në manaxhim turizmi dhe administrim publik, ka një përvojë 30 vjeçare në zhvillimin e SME-ve, politikave të SME-ve, zhvillimit të turizmit, organizatave të biznesit dhe konsulencës. Prej 9 vitesh, Alida drejton organizatën jo-fitimrurëse “Qendra për Promovimin e Konkurrueshmërisë”, me fokus zhvillimin e SME-ve, sipërmarrjes e biznesit social dhe shoqërisë civile.

Eglantina Aliaj është drejtuese e hotel New York, Vlorë. Angazhimi i saj në fushën e shërbimit të hoteleri turizmit mundëson ofrimin e një standardi cilësor shërbimi. Ajo menaxhon rreth 40 të punësuar, nga të cilët 27 janë gra.

Irena Toçi, prej 10 vitesh drejton Shtëpinë Botuese Toena në Tiranë, me një aktivitet të spikatur në fushën e botimit dhe të promovimit kulturor. Ajo është vlerësuar ndër vite nga institucione të ndryshme për kontributin e saj në këtë fushë. Irena ka përkthyer disa libra dhe ka punuar në cilësinë e kryeredaktores.

Klodiana Ajazi ka një experiencë të gjatë në shitje dhe marketing në koorporata të mëdha në vend. Klodiana ka mbajtur pozicione të rëndësishme drejtuese në zhvillim biznesi. Ajo ka themeluar dhe drejton kompaninë Inovest, me fokus menaxhim projekti në sektorin e ndërtimit dhe është bashkëthemeluese e drejtuese në agjencinë e marketingut Novus.

Lori Kapaj, menaxhere e përgjithshme e ALSA sh.p.k. Vlorë. Kompania e saj operon në industrinë e përpunimit të mishit prej 1993. Në jug të vendit ALSA është e pranishme prej 1998 ndërsa në rajonin e Shkodrës dhe Veri të Shqipërisë që nga viti 2013.

Tereza Gega, është administratore e sipërmarrjes artizanale “Zadrim”, Lezhë. E diplomuar në fushën e ekonomisë ajo është sot edhe presidente e Dhomës së Zejtarëve. Me kompaninë e saj dhe punimet e zonës, ajo ka marrë pjesë në disa panaire e konferenca ndërkombëtare.

Valbona Begolli, CEO e Alb Group, ka sjellë risi në fushën e shërbimeve, higjienës, distribucionit, dhe formimit. Prej 10 vitesh në sipërmarrje, Begolli ka kontribuar në fuqizimin e kapaciteve në tregun e punës. Begolli është gjithashtu konsulente pranë BERZH për zhvillim biznesi.

Ylldise Brahimaj, është Drejtore Ekzekutive e VRDA Foundation. Ajo është eksperte në Menaxhimin e Projekteve dhe Zhvillimin e SME-ve në:  EU-SME project, EBRD,USAID,UNDP,GIZ  WEB4YES. Kualifikimet e saj janë në menaxhimin dhe ekspertizën e SME-ve, /Trainim/coaching /Mentorim, e specializuar në disa fusha të biznesit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0