OpenAI ka hequr nga faqja e saj zyrtare dhe kanali zyrtar në YouTube një video shumë të përfolur që promovonte miqësinë mes CEO-së Sam Altman dhe dizajnerit legjendar të Apple, Jony Ive. Në video prezantohej edhe marrëveshja prej 6.5 miliardë dollarësh të OpenAI për blerjen e kompanisë së startup-it të pajisjeve të drejtuar nga Ive dhe Altman, ”io”.A do të thotë kjo se ka probleme me marrëveshjen apo planet që Jony Ive të drejtojë projektet e dizajnit në OpenAI? Jo domosdoshmërisht, sipas raportimit të Mark Gurman nga Bloomberg, i cili thekson se “marrëveshja po ecën normalisht dhe nuk u shkëput apo diçka të ngjashme.” Arsyeja e tërheqjes së videos është një urdhër i gjykatës që ndalon përdorimin e emrit “io”, duke i detyruar kompanitë të heqin të gjitha materialet që përmbajnë këtë emër.
OpenAI ka konfirmuar më pas këtë situatë, duke përditësuar faqen e vjetër të njoftimit me deklaratën: “Kjo faqe është momentalisht jashtë përdorimit për shkak të një urdhri gjykate pas një ankesë për shkelje të markës tregtare nga kompania iyO lidhur me përdorimin tonë të emrit ‘io.’ Ne nuk pajtohemi me këtë ankesë dhe po shqyrtojmë opsionet tona.”
Lexo edhe: Mira Murati mbledh fonde rekord për startup-in e saj të AI-së
Kompania shton se kjo nuk ndikon në marrëveshjen me startup-in ”io.”
Kompania iyO, që ka origjinën në laboratorin “moonshot” të Alphabet X, ka lancuar së fundmi një produkt, kufjet inteligjente me AI të gjenerimit të zërit. Sipas raportimeve në Bloomberg Law, iyO ka ngritur padi për shkelje marke tregtare kundër OpenAI-së, dhe gjykatësja ka lënë të kuptohet se po e konsideron seriozisht argumentin e saj se videoja promocionale e OpenAI mund të krijojë konfuzion tek konsumatorët.
Për momentin, video mbetet e aksesueshme në platformën X.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English