Konfindustria përsërit shqetësimin për mospasqyrimin e rënies së fortë të çmimit të karburanteve në tregjet ndërkombëtare në tregun vendor.
Konfindustria do të kërkojë nga vendimarrja politike mbajtjen e një seance dëgjimore në Kuvendin e Shqipërisë me ekzekutivin dhe Autoritetin e Konkurencës për gjendjen e papranueshme në tregun e karburanteve.
Fillimi i 6 mujorit të dytë 2024 çmimi i karburanteve në tregjet botërore shënoi rënie historike vjetore në 77$ US/ fuçi. Në tregun shqiptar të karburanteve rënia e çmimeve botërore nuk është pasqyruar. Gjithashtu, forcimi i dukshëm i Lek-ut ndaj Dollarit $ dhe Euro-s nuk po ndikon në uljen e çmimeve të karburanteve në vend.
Tregu i karburanteve në Shqipëri, i organizuar në formën e kartelit dhe oligopolit si edhe mosveprimi i institucioneve rregullatore si Autoriteti i Konkurencës, nuk e përcjell uljen e fortë të çmimit të karburanteve si dhe forcimin e dukshëm të Lek-ut në rënien e çmimeve fundore për qytetarët dhe bizneset.
Shqipëria vazhdon të ketë çmime tepër të larta të karburanteve në krahasim me shtetet e tjera të rajonit si Kosova dhe Maqedonia. Duke barazvlerësuar dhe ngarkesën fiskale përkatëse, çmimet e karburanteve në Shqipëri në muajin aktual janë të paktën 28-30 lek/litër më të shtrenjta sesa në Kosovë dhe Maqedoninë e Veriut. Përmendim, se shtetet në fjalë kanë kosto shtesë krahasimisht Shqipërisë në tregun e karburanteve.
Nga Gjergj Buxhuku, Administrator i Përgjthshëm
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
