Konfindustria vlerëson, se gjysma e dytë e vitit financiar 2022 do të jetë i vështirë për ekonominë kombëtare.
Rritja e sforcuar e të ardhurave buxhetore në pjesën e parë të vitit, qartësisht për shkak të rritjes së çmimeve të importit dhe jo për arsye të rritjes ekonomike, po jep pasoja të rënda për biznesin, qytetarët dhe ekonominë në tërësi.
Në këtë kuptim, vendimet e Bordit të Trasparencës të Karburanteve dhe ngarkesa fiskale shumë e rëndë, që mbajne çmime të larta përtej tregjeve botërore, kanë natyrën e një takse shtesë, që po “shtrydh’ tregun në shërbim afatshkurtër të buxhetit dhe kontrabandës, me rrezikun e shtuar në afatmesëm të krizës ekonomike.
Lexo: Liderët e mirë i trajtojnë punonjësit e tyre si CEO. 4 mënyra se si ata e bëjnë këtë.
Tregues për sa më sipër është rënia me 0.4% e të ardhurave të buxhetore për muajin korrik 2022 krahasuar me vitin paraardhës. Sa më sipër është shqetësuese, sepse ndodh që kushtet e një rritje të fortë të inflacionit zyrtar me 7.8%, të çmimeve të lëndëve të para, ku kryesojnë karburantet me mbi 35% rritje krahasuar me vitin 2021, si edhe energjia elektrike, drithërat, materialet e ndërtimit, etj. Rënia e importeve të lëndëve të para në masë/volume gjatë periudhës 7 mujore me afro 90 mijë tonë, tregojnë qartë për rënien e konsumit dhe paralajmërim për vështirësi në rritje të ekonomisë.
Konfindustria vlerëson, se parashikimet për ecurinë ekonomike në gjysmën e dytë të vitit 2022 janë të zymta edhe për shkak të paralajmërimeve për krizë të re energjitike në 3 mujorin e fundit të vitit në vazhdim të paralajmëruar nga Kryeministri Edi Rama.
Gjithashtu, të dhëna krahasuese jo optimiste financiare, për t’u verifikuar në vazhdim, vijnë edhe nga sezoni turistik, sipas Konfindustrisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
