Kohë e fundit platformat e Blockchain si Polygon dhe Circle kanë punësuar talente nga firmat e Big Tech, duke i joshur ata me hapin tjetër të madh në teknologji Web 3.0 ose Web3.
Ryan Wyatt u largua nga YouTube në fillim të këtij muaji për të udhëhequr një studio të re videolojrash nga Polygon. Wyatt i ishte bashkuar faqes së videolojërave në pronësi të Google në vitin 2014 për të nxitur një shtytje në përmbajtjen e videolojërave dhe për të konkurruar në mënyrë më agresive me platformën Twitch të Amazon.
“Kur fillova të punoja në YouTube Gaming pothuajse tetë vjet më parë, isha personi,” tha Wyatt për CNBC në një intervistë. “Nuk kishim ekip. Njerëzit sapo kishin filluar të tregonin interes për videot lojërat.”
“E shikoj këtë mundësi në të njëjtën mënyrë,” shtoi ai, duke e përshkruar fazën aktuale të zhvillimit të blockchain si “të hershme” dhe “eksituese”.
Entuziasmi që rrethon Web3 ka tërhequr disa nga mendjet më të zgjuara në teknologji. Lëvizja Web3 propozon rishikimin e internetit në një mënyrë që do të zhvendoste shërbimet e njohura online drejt teknologjive të decentralizuara si blockchain.
Lexo edhe: Elon Musk dhe Jack Dorsey po flasin për Web 3. Ja çfarë është dhe ja përse ka rëndësi!
Lista e talenteve të Silicon Valley për kripto përfshin gjithashtu Sherice Torres, ish-shefe e marketingut e njësisë së kriptove dhe pagesave të Facebook, Novi. Ajo u punësua nga Circle në janar. Dhe ekzekutivi i Amazon cloud Pravjit Tiwana iku për t’u bashkuar me shkëmbimin e kriptove Gemini si shefi i teknologjisë.
Ekspertët thonë se drejtuesit e teknologjisë po tërhiqen nga industria në zhvillim pjesërisht për shkak të rritjes së saj të shpejtë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
