Kompania kineze Baidu do të përdorë aplikacionin e saj të ngjashëm me ChatGPT, Ernie Bot për të krijuar një version “revolucionar” të motorit të saj të kërkimit popullor, tha të mërkurën CEO i kompanisë.
Baidu, e cila ka investuar shumë në inteligjencën artificiale vitet e fundit, po kryeson përpjekjet për të krijuar një rival kinez ndaj platformës së AI të zhvilluar nga OpenAI dhe të mbështetur nga Korpoorata Microsoft.
Përpara nisjes së Ernie Bot në mars, CEO i Baidu, Robin Li, u tha gazetarëve në një telefonatë konferencë për të diskutuar rezultatet e tremujorit të katërt se përdoruesit do të vareshin më shumë nga motori i kërkimit Baidu sapo të futej opsioni i ri chatbot. Kjo për shkak se inteligjenca artificiale gjeneruese që e fuqizon atë do të rriste përvojën dhe angazhimin e përdoruesit.
Lexo edhe: Pekini do mbështesë projektet zhvillimore që mund të “rivalizojnë” ChatGPT
“Ernie Bot do të përmirësojë përvojën e përdoruesit dhe përdoruesit do të jenë shumë më të varur nga ne për të gjitha llojet e detyrave dhe nevojave, prandaj, do të zgjerojë ndjeshëm madhësinë e tregut të kërkimit (motorëve),” tha Li.
Ai shtoi se reklamimi në internet, burimi kryesor i të ardhurave të kompanisë, do të nxitet gjithashtu nga integrimi i Ernie Bot në motorin e kërkimit. Baidu planifikon përfundimisht të ndërtojë një ekosistem të AI rreth Ernie Bot, tha ai./ Reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto