KE po konsideron mundësinë që punonjësit online të kenë të njëjtat të drejta me të punësuarit e tjerë - Business Magazine Albania

KE po konsideron mundësinë që punonjësit online të kenë të njëjtat të drejta me të punësuarit e tjerë

Komisioni Europian ka filluar një konsultim nëse punëtorëve të platformave online, duhet t’u jepen të njëjtat të drejta punësimi si ato të personeleve  që kanë punë të sigurta , përfshirë këtu  aftësinë për të negociuar për pagat dhe kushtet e punës.

Konsultimi erdhi  pas një vendimi të rëndësishëm  që gjykata supreme e Mbretërisë së Bashku dha kundër UBER, e cila tha që punonjësit e aplikacioneve online konsiderohen si punëtore dhe jo të vetëpunësuar. Organi ekzekutiv i BE veçoi një numër fushash në të cilat tha se ishte i nevojshëm përmirësimi në të drejtat e punëtorëve, duke përfshirë statusin e punësimit të punëtorëve online , aftësinë e tyre për t’u përfshirë në negociata kolektive dhe  përfitimet sociale.

Konsultimi do të zgjasë gjashtë javë dhe është fillimi i një procesi i cili ka të ngjarë të përfundojë këtë vit me propozime legjislative, sipas Margrethe Vestager, nënkryetares ekzekutive  të BE-së, e ngarkuar me fushën digjitale. Pjesa e dytë e konsultimit do të shqyrtojë mënyrën e miratimit të ligjeve të reja të mundshme.

Vestager tha se pandemia kishte rritur modelet e biznesit të platformave dhe e bëri më të domosdoshëm  shqyrtimin e kushteve të  tyre të punës.

“Në të gjithë Europën njerëzit që punojnë me platforma rrezikojnë  të mbeten pa të ardhura dhe ata nuk janë gjithmonë të të siguruar me ligj për të përfituar mbështetjen financiare.

Nganjëherë kanë kushte të këqija pune, orare të zgjatura dhe janë pa siguracione.”- tha ajo. Konsultimi do të shqyrtojë nëse punëtorët e platformës duhet të trajtohen në të njëjtën mënyrë si personeli me punë fikse  tha Nicolas Schmit, komisioneri i BE-së për punë dhe të drejtat sociale.

“A janë punëtorët e platformave të vetë-punësuar apo punonjës normal? Kjo është një pyetje thelbësore, por jo e lehtë, ”tha ai. “Ne nuk kemi ende një përgjigje të saktë. Kjo fazë ka nevojë për shumë sqarimë.”

Sipas Schmit, qëllimi i BE është që : “ne duam që punonjësit e platformës të kenë të njëjtat të drejta si të gjithë punëtorët e tjerë”, pavarësisht nga statusi i tyre. Në fillim të konsultimit, Uber tha se e mirëpriti ofertën “për të përmirësuar kushtet e punës në platformë”.

FINANCIAL TIME

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0