Eurozona dhe shumica e vendeve të BE-së do të shkojnë drejt një recesioni ekonomik në tremujorin e fundit të vitit 2022, sipas një parashikimi të zymtë të Komisionit Evropian.
Ekzekutivi i BE-së rishikoi parashikimin e tij të inflacionit nga korriku, duke parashikuar se çmimet do të arrijnë kulmin në fund të vitit dhe do të mbeten të larta në 2023. Inflacioni do të jetë mesatarisht 9.3% në BE dhe 8.5% në eurozonë për vitin 2022, tha Brukseli.
“BE është ndër ekonomitë më të ekspozuara për çmimet e larta, për shkak të afërsisë gjeografike me luftën dhe varësisë së madhe në importet e gazit nga Rusia”, tha Komisioni Evropian në një deklaratë.
Lexo edhe: Europianët në greva për rritjen e çmimeve
“Kriza e energjisë po gërryen fuqinë blerëse të familjeve dhe po rëndon mbi prodhimin.”
Ndërsa çmimet pritet të ulen në vitin 2023, inflacioni ende parashikohet të jetë në 7% në BE dhe 6.1% në eurozonë.
Parashikimi i BE-së u bazua në supozimin se tensionet gjeopolitike si lufta në Ukrainë as nuk do të normalizohen dhe as do të përshkallëzohen dhe se sanksionet kundër Rusisë do të mbeten në fuqi.
Ndërkohë në shumë vendet te BE-së ka pasur lëvizje të shumta si protesta dhe greva [asi njerëzit gjithnjë e më shumë kërkojnë paga më të larta për shkak të inflacionit rekord./Deutsche Welle
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
