Jashtë funksionit godina qëndrore e Drejtorisë së Përgjithshme të Doganave - Business Magazine Albania

Jashtë funksionit godina qëndrore e Drejtorisë së Përgjithshme të Doganave


Me kalimin e ditëve dhe kontrollet e zhvilluara nga inxhinierët, shtohet numri i strukturave (edhe publike) që kanë pësuar deme thelbësore dhe kanë dalë jashtë funksionit.

Ministria e Financave bën të ditur përmes një njoftimi zyrtar se është dëmtuar Drejtoria e Përgjithshme e Doganave.

“Dëmtime të shumta strukturore janë konstatuar në godinën e Drejtorisë së Përgjithshme të Doganave. Sipas akt konstatimit të inspektorëve të Insitutit të Ndërtimit, kjo godinë është jashtë funksionit”, bëjnë të ditur burimet zyrtare.

Drejtuesit e doganave, janë angazhuar në evakuimin e punonjësve në godina të tjera, çka garanton mirëfunksionimin e punës dhe ofrimin e shërbimeve ndaj qytetarëve dhe biznesit.

Drejtoria e Përgjithshme e Doganave ka miratuar manualin mbi mënyrën e funksionimit të sistemit doganor lidhur me deklarimin, verifikimin, kontrollin dhe çlirimin e mallrave në raste emergjence. Serverat janë transferuar pranë AKSHI-t, ndërsa sektorët kyçë janë zhvendosur pranë zyrave të disponueshme në gjendje pune.

Ndërkohë, degët doganore kufitare, edhe të brendshme, kanë funksionuar në mënyrë të vazhdueshme me kapacitete të plota.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0