Drejtoria Rajonale Tatimore e Tiranës është çertifikuar si objekt i pabanueshëm pas akt konstatimit të Institutit të Ndërtimit.
Zyrat e strukturës 6 katëshe, sipas njoftimit zyrtar do të zhvillojnë funksionet në ambjentet e Drejtorisë së Shërbimit të Tatimpaguesve, Tiranë, pranë shkollës Sabaudin Gabrani.
Subjekteve që administrohen nga Drejtoria Rajonale Tiranë, kërkohet për çdo komunikim të dorëzojnë kërkesat e tyre në kutinë postare që ndodhet në ambjentet e kësaj drejtorie, vend ku do të menaxhohen dhe do të ofrohen edhe shërbimet e DRT.
Lexo: Jashtë funksionit godina qëndrore e Drejtorisë së Përgjithshme të Doganave
Tatimet bëjnë të ditur se shërbimet për tatimpaguesit janë ofruar pa ndërprerje në sportelet e shërbimit, në ambjentet e Drejtorisë së Shërbimit të Tatimpaguesit, Tiranë dhe do të vijojnë aty deri në një njoftim të dytë.
Pak ditë më parë u shpall jashtë funksionit edhe Drejtoria e Përgjithshme e Doganave. Drejtuesit e doganave, janë angazhuar në evakuimin e punonjësve në godina të tjera, për të siguruar mirëfunksionimin e punës dhe ofrimin e shërbimeve ndaj qytetarëve dhe biznesit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
