Qeveria japoneze thotë se ka në plan të vendosë kufizime në eksportin e prodhimit të çipave kompjuterikë, pas lëvizjeve të ngjashme nga SHBA-ja dhe Holanda. Masat do të zbatohen për 23 lloje pajisjesh të prodhimit të gjysmëpërçuesve.
Gjysmëpërçuesit, të cilët fuqizojnë gjithçka, nga telefonat celularë tek pajisjet ushtarake, janë në qendër të një mosmarrëveshjeje të ashpër midis SHBA-së dhe Kinës.
Deklarata e së premtes nga Japonia nuk i referohej Kinës apo SHBA-së.
“Ne po përmbushim përgjegjësinë tonë si një komb teknologjik për të kontribuar në paqen dhe stabilitetin ndërkombëtar”.
Lexo edhe: SHBA do të kufizojë edhe më tej eksportin e gjysmëpërçuesve në Kinë
Ministri japonez i Tregtisë, Yasutoshi Nishimura, u tha gazetarëve se masa nuk ishte e koordinuar me kufizimet e SHBA.
Kufizimet e Japonisë do të zbatohen për pajisjet e furnizuara nga kompanitë kryesore të teknologjisë duke përfshirë Tokyo Electron dhe Nikon.
Në tetor, Uashingtoni njoftoi se do të kërkonte licenca për kompanitë që eksportojnë çipa në Kinë duke përdorur mjete ose softuer amerikanë, pavarësisht se ku janë prodhuar në botë.
SHBA i kishte bërë thirrje gjithashtu Holandës dhe Japonisë që të miratojnë kufizime të ngjashme. / Reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
