Pas ndarjes nga bashkëthemeluesi i Microsoft, Bill Gates, Melinda French Gates ka përqendruar filantropinë e saj në çështje që prekin gratë dhe vajzat në mbarë botën. Në një intervistë të fundit në podcastin e Scott Galloway, ajo u shpreh se nuk e shqetësojnë komentet e figurave si Elon Musk apo MacKenzie Scott (ish-bashkëshortja e Jeff Bezos). “Unë jam në arenë, duke bërë punën,” tha ajo, duke theksuar angazhimin e saj për ndryshim përmes veprimit konkret.
Në vitin 2022, Gates premtoi 1 miliard dollarë për të përmirësuar të drejtat dhe shëndetin riprodhues të grave, si dhe për të rritur përfaqësimin e tyre në lidership. Më vonë, ajo krijoi një fond të ri prej 250 milionë dollarësh për të përmirësuar mirëqenien mendore dhe fizike të grave.
Megjithatë, puna e saj nuk ka kaluar pa kritika. Elon Musk komentoi ashpër vitin e kaluar, duke sugjeruar se aktivizmi politik i Gates mund të jetë “rënia e qytetërimit perëndimor”, një deklaratë që pasoi një meme ironike nga influencerja konservatore Ashley St. Clair.
Lexo edhe: Simon Sinek, nga TED Talk në fenomen global
Fondacioni Bill & Melinda Gates është një nga organizatat më të mëdha filantropike në botë, e themeluar në vitin 2000 nga Bill Gates dhe Melinda French Gates. Me seli në Seattle, fondacioni ka për qëllim të përmirësojë shëndetin global, të reduktojë varfërinë ekstreme dhe të zgjerojë mundësitë arsimore dhe qasjen në teknologji, veçanërisht në Shtetet e Bashkuara .Melinda ishte bashkëkryetare e fondacionit deri në qershor 2024, kur u largua për të përqendruar përpjekjet e saj përmes organizatës së saj, Pivotal Ventures. Kjo organizatë, e themeluar në 2015, synon të përshpejtojë përparimin shoqëror dhe të avancojë fuqinë dhe ndikimin e grave në SHBA dhe në mbarë botën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
