Jam 13 vjeç dhe jam një shpikës! - Business Magazine Albania

Jam 13 vjeç dhe jam një shpikës!

shpikës

Nga Neada Muçaj,

Edel Gjoni është nxënës në shkollën “Fan Noli”, në klasën e 7. Ajo çfarë e dallon nga moshatarët e tij është pasioni për teknologjinë. Jo vetëm për të blerë produkte smart, por dhe për t’i krijuar ato. Për këtë ai studion dhe punon thuajse çdo ditë. Që i vogël ka nisur të krijojë produkte robotike, por për këtë të fundit duket më krenar, Shoes 19. Atletet “inteligjente” që të ndihmojnë të ruash distancën me njerëzit.

Si lindi idea?

Në periudhën e pandemisë, atëherë kur rastet po binin dhe filluam të kishim më tepër liri. Edel ndodhet në një qendër tregtare dhe pavarsisht pandemisë sheh që njerëzit nuk po e ruanin shumë distancimin social, duke rrezikuar shëndetin e të gjithëve. Epo idetë lindin për të zgjidhur problem dhe ky ishte problem i rradhës për të. Shoes 19 është dizenjuar për të parandaluar Covid-19. Shoes sepse janë këpucë, 19 prej Covid-19.

Lexo: Fizikani i “Ekuacionit të Zotit”: Afrimi me alienët do të ishte një ide e tmerrshme

Të nesërmen skicoi idenë në një aplikacion për qarqe, bleu komponentët dhe nisi nga puna.

Sistemi është krijuar në mënyrë të tillë që kur dikush të afrohet më shumë se 1.5 m, sistemi lëshon një sinjal në formën e alarmit (jo sa një sirenë ambulance). Ai përbëhet nga disa sensorë ultrasonikë, të cilët llogarisin rrezen dhe më pas buzzerat japin sinjalin zanor. Sikur të mos mjaftonte sinjali, këto këpucë ndezin dhe drita.

Për krijimin e prototipit u deshën vetëm 2 javë, ndërkohë ana estetike kërkonte më shumë kreativitet.

Edel nuk i vë një notë produktit, prandaj hidhini një sy e vlerësojeni vet.

A ndjek ai ndonjë model? (Epo kush nuk e pëlqen Elon Musk)

Jo. Edel ende nuk ka ndonjë model që ndjek. Lidhet më shumë me produktet novative, sesa me personazhet që i krijojnë ato. Por nëse ka diçka që e frymëzon, janë miqtë e tij. Gjithmonë zgjedh shoqërinë e miqve në moshë pak më të madhe sepse do të mësojë prej tyre e sidomos kur janë pjesë e botës së teknologjisë.

Edel gjithashtu motivohet nga kompeticionet dhe produktet teknologjike që janë të dobishme për njerëzit dhe shoqërinë në çdo fushë të saj.

Së fundmi, ai është bërë pjesë e kompeticionit Bibliotech Challenge, ku u shpërblye me një prej çmimeve fituese në kategorinë 15-18 vjec. Ndërkohë, po përgatitet për vitin e ardhshëm për pjesëmarrjen e tij në Festivalin e Shkencës në Çeki. “Science on Stage Festival” është një konkurs ndërkombëtar, ku të rinj nga çdo vend i Evropës prezantojnë idetë e tyre më të mira teknologjike. Në këtë festival, Edel do të përfaqësojë shkollën e tij dhe Shqipërinë me Shoes 19.

Çfarë do të bëhet kur të rritet?

E ka shumë të qartë, inxhinier. Duket se ka një plan për të ardhmen e tij, dëshiron të studiojë në gjimnazin profesional Gjergj Canco, aty ku mësohet e perfeksionohen më mirë drejtime të tilla. Ndërkohë studimet e larta i mendon në Gjermani.

Po tani që pandemia mbaroi ku mund t’i përdorim këto këpucë?

Ai sugjeron që Shoes 19 të përdoren për të shmangur rradhët e çuditshme që hasim thuajse kudo. Kështu krijojmë dhe një kulturë më të mirë.

Nëse interesoheni për Shoes 19, ende nuk e ka një çmim, por Edel na premtoi që së shpejti atletet do të hidhen në treg.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0