Kryeministri Edi Rama ka prezantuar projektin e portit të ri të Durrësit. Në një postim në profilin e tij të Facebook, kryeministri teksa ka treguar maketin e këtij projekti thotë se porti i Durrësit do të jetë një prej porteve më të mëdha turistike në detin Mesdhe.
“Dhe me maketin e përfunduar në studion urbanistike të Emaar Group në Dubai, që tani ndodhet në Portin e Durrësit, aty ku së shpejti do të nisë të ndërtohet një prej porteve më të mëdha e më të bukura turistike të Mesdheut, ju uroj një ditë të mbarë”, shkruan në postim Rama.
Projekti i “Emaar Group” të Dubait është 5 vjeçar dhe parashikon një investim prej 2 miliardë euro për ndërtimin e portit turistik të Durrësit.
Punimet priten të nisin në muajt në vijim për portin e ri të Durrësit. Ndërtimi do të realizohet në 5 faza dhe pritet që të punësohen me mijëra qytetarë dhe të vijnë mijëra turistë nga e gjithë bota.
Më poshtë mund të shikoni projektin e plotë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
