Gara e inteligjencës artificiale (AI) po merr zhvillim. Numri i kompanive që zbatojnë UA është rritur me një shifër tronditëse 270% në vitet e fundit, dhe madje edhe ndërmarrjet që nuk e kanë bërë hapin ende, po mendojnë për këtë.
Por, nëse jeni një CIO ose udhëheqës biznesi që shpresoni të përdorni UA, pavarësisht nëse jeni duke zhvilluar teknologjinë tuaj të brendshme ose duke e licensuar atë nga një firmë, ka implikime serioze që duhet të merrni parasysh.
Lexo: Jo më titra fyese në Instagram, ‘ju kap’ inteligjenca artificiale
Si fillim mbetet për të parë rrezikun nga paragjykimi. Fatkeqësisht, kemi parë shumë raste në të cilat AI ka qenë e njëanshme ndaj grupeve të pakicave. Jo vetëm që është joetike, është gjithashtu e keqe për biznesin. Nëse AI nuk mund të funksionojë për të gjithë njerëzit, ashtu siç është menduar, ka shumë pak përfitim për ta përdorur atë në radhë të parë.
Pra, nëse doni ta bëni UA-në pjesë të strategjisë suaj të biznesit, këtu janë tre gjëra kryesore për të pyetur:
- Pyesni për të dhënat:
Sistemet e AI-së që përdorin mësimin me anë të makinerive aftësohen dhe testohen me anë të sasive masive të të dhënave. Këto të dhëna duhet të jenë të larmishme dhe përfaqësuese të njerëzve të ndryshëm dhe të përdorin raste që ato mund ti prekin përndryshe, nuk do të funksionojë si duhet. Filloni duke pyetur se nga vijnë të dhënat dhe si janë mbledhur, dhe mendoni në mënyrë kritike për fushat ku të dhënat mund të mungojnë.
Edhe nëse keni të dhëna të shumëllojshme, paragjykimet ende mund të ekzistojnë nëse nuk keni një protokoll të kujdesshëm për trajnimin dhe vërtetimin e modeleve të AI. Kur përdorni një algoritëm të AI, duhet të siguroheni që të dhënat janë të ekuilibruara për demografinë (siç janë gjinia, mosha, diversiteti etnik), por edhe pamja: A është një person që ka syze, hixhab apo maskë për fytyrën? Është thelbësore për të trajnuar algoritmin me të dhëna thelbësore për secilën popullatë.
- Pyesni për ekipin që ndërton AI:
Zbutja e paragjykimeve varet nga ekipe të ndryshme, në fund të fundit, ne ndërtojmë atë që dimë. Edhe me qëllime të mira, nëse një grup njerëzish që zhvillojnë algoritme vijnë nga demografi dhe prejardhje të ngjashme, ata pa dashje mund të kenë paragjykime. Vetëm kur ekipet janë të shumëllojshëm mund të themi: “E dini, kam vërejtur se nuk ka të dhëna të mjaftueshme për njerëzit që duken si unë. A mund të sigurohemi që ta përfshijmë atë?”
Ekipet e ndryshme gjithashtu kanë potencialin të mendojnë për rast të reja në përdorimin e teknologjisë, që janë përfaqësues të grupeve të ndryshme dhe të zgjidhin sfida për grupe të ndryshme të njerëzve. Jo vetëm që kjo është gjëja e duhur për të bërë, por është e mirë për biznesin, dhe thelbësore për të ecur përpara industria juaj.
- Pyeseni se si do të vendoset AI:
Zgjidhja e çështjes së paragjykimit të AI, nuk është vetëm ndërtimi i sistemeve të sakta. Se si përdoret është po aq e rëndësishme. Ju duhet të siguroheni që, në botën e vërtetë, AI nuk do të sjellë paragjykime ose nuk do të ketë pasoja të paqëllimshme.
Merrni për shembull zbatimin e ligjit. Kompanitë kanë hartuar UA për të parashikuar, që i pandehuri në një çështje penale të kryejë një krim tjetër, në mënyrë që të vihet në dukje që ai është kriminel. Por, raportet tregojnë se kjo teknologji shpesh është e njëanshme ndaj grupeve minoritare, me rezultate shkatërruese. Derisa industria të sigurojë që sistemet e AI do të jenë të sakta, përfaqësuese dhe të vendosura në një mënyrë që të mos sjellë paragjykime, këto raste përdorimi duhet të shmangen.
Lexo: Si po e ndryshon Inteligjenca Artificiale botën e biznesit?
Në fund të fundit: Mos prisni derisa të ketë një problem për ta adresuar atë:
Mbrojtja nga paragjykimet nuk mund të ndodhë vetëm një herë. Nëse kompania juaj po përdor AI, ju duhet të rivlerësoni vazhdimisht protokollet tuaja dhe të bëni pyetje të vështira, për t’u siguruar që po e merrni atë si duhet.
Nëse dëshironi të bashkoheni në radhët e kompanive që përdorin UA, por jeni i shqetësuar për rreziqet, ka burime të cilave mund t’i drejtoheni. Për shembull, Partneriteti në UA bashkon zëra të ndryshëm, globalë për të studiuar dhe formuluar praktikat më të mira për teknologjitë e AI.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
