Sektori i Bletarisë mund të ndikojë në zhvillimin ekonomik të vendit
Oda e Afarizmit të Kosovës në datën 3 Korrik takoi disa nga shoqatat dhe prodhuesit e mjaltit, me qëllim që të organizohet sektori i bletarisë duke rritur efektshmerinë në ekonominë e Kosovës.
Gjatë këtij takimi si probleme kryesore u theksuan mos përkrahja e këtij sektori nga institucionet qeveritare, probleme me pajisjet, makineri dhe servisi i tyre, i cili duhet të bëhet jashtë vendit në mungesë të kuadrit profesional, gjithashtu problem tjetër identifikohet edhe mungesa e kodit doganor.
Sekretari i Bordit Diamant Elshani, njëkohësisht edhe pronari i fabrikës për përpunimin e mjaltit O3 Shpk në Deçan, fabrikë kjo e cila është e vetmja në Kosovë e këtij lloji dhe është e pajisur me laboratorin për testimin e majltit ku do të sigurohet që mjalti i grumbulluar nga bletarët t’i nënshtrohet procesit të testimit laboratorik paraprak për të siguruar mjaltë 100% të pastër. Ai theksoi se objektivi i përgjithshëm i kësaj kompanie është rritja e prodhimtarisë së mjaltit cilësor, rritja e aftësisë konkurruese dhe krijimi i vendeve të reja të punës, me qëllim të krijimit të kushteve më të mira në zonat rurale.
burimi: RTV 21
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
