Autoritetet në Sarajevë lëshuan një paralajmërim për cilësinë e ajrit dhe vendosën masë ndaluese ndaj disa automjeteve dhe kamionëve të mërkurën, pasi qyteti u listua si më i ndoturi në botë, për dy netë radhazi nga kompania zvicerane e monitorimit të ajrit, IQAir.
Sarajeva mori masa pasi cilësia e ajrit në kryeqytetin e Bosnjës arriti nivele të rrezikshme, pas disa ditësh mjegulle dhe smogu që kanë mbuluar qytetin me rreth 350 mijë banorë.
Lexo edhe:Lagarde: BQE drejt një zhvendosjeje strukturore të ekonomisë nga AI
Ajo ndaloi qarkullimin e kamionëve mbi 3,5 tonë dhe të makinave e kamionëve që nuk përmbushin standardet e Bashkimit Evropian, si dhe ndaloi punimet ndërtimore në hapësira të hapura.
Po ashtu, u ndaluan edhe grumbullimet publike në ambiente të hapura. Ekspertët thonë se burimet kryesore të ndotjes janë rreth 40 mijë familje që përdorin kryesisht dru zjarri dhe qymyr për ngrohje gjatë dimrit, si dhe trafiku.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
