Një tjetër surprizë vjen nga Izraeli në fushën e teknologjisë mjekësorë për kujdesin ndaj shëndetit.
Kompania izraelite telemjekësore, Tyto Care, e cila ka arritur të zhvillojë me sukses testet për të diagnostikuar një të sëmurë, pa praninë e doktorit në shtëpinë e pacientit, duke i transmetuar të dhënat nëpërmjet aplikacionit në telefon, ka grumbulluar 25 milionë dollarë fonde nga investitorët.
Janë disa kompani të mëdha të cilat janë të interesuara për të blerë aksione në Tyto Care.
Tyto ka zhvilluar pajisje të tilla si kamera për testet e sëmundjeve të grykës, një pajisje që ekzaminon veshët, një stetoskop për ekzaminimet e mushkërive, një kamera për testet e lëkurës. Të gjitha këto, janë për përdorim shtëpiak.
Sistemi është përbërë nga pajisje dhe software, që bën të mundur verifikimin e gjendjes së pacientit njëlloj sikur ta kishte kryer mjeku. Më pas, një doktor analizon imazhet, të cilat qëndrojnë në sistem për shqyrtime të mëpasshme.
Tyto Care konsiderohet si një nga startupet më premtuese. Ajo është themeluar në vitin 2016 dhe ka 30 punonjës.
burimi: Izraelisot
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
