Itali, protestuesit kërkojnë fundin e karantinës

Protestuesit jelekë portokalli kanë pushtuar rrugët e qyteteve italiane, për të protestuar kundër bllokimit të rreptë të qeverisë, duke pretenduar se virusi “nuk ekziston”. Ndërsa kundërshtonin rregullat e ashpra dhe shkakun e mbylljes, protestuesit kërkonin që qeveria e kryeministrit Giuseppe Conte, të zëvendësohet me një qeveri kombëtare dhe kthimin te lira italiane.

Bizneseve italiane vetëm kohët e fundit u është lejuar të rihapen pas një mbyllje prej më shumë se dy mujore, por shumë italianë po kërkojnë që të largohen masat dhe gjithçka të hapet menjëherë. Vendi ka konfirmuar 232.664 të infektuar dhe 33,340 viktima, pasi në një moment arriti shkallën më të lartë të vdekshmërisë në botë.

Grupi, i udhëhequr nga ish-gjenerali i karabinierëve Antonio Pappalardo, u mblodh në Piazza Duomo në Milano, duke mos marrë parasysh masat e distancimit social, ku gati askush nuk mbante maska për fytyrën. Gjatë protestës nuk munguan incidentet. Protestuesit u konfliktuan fizikisht disa herë me policinë. Ata arritën që të çajnë kordonët e para, por më pas situatën e morën në dorë forcat speciale.

Atyre ju bashkuan edhe grupet e ekstremit të djathtë ‘March on Rome’ në kryeqytetin e vendit, si dhe neo-fashistët e Casapound. Protesta e djeshme ështe e fundit e një serie protestash nëpër botë, kundër punës së qeverive që nga momenti i prezantimit të masave të izolimit.

DAILYMAIL

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale