Instagram më në fund sjell funksionin ‘Repost’ – ja çfarë do të ndryshojë

Instagram lancoi ditën e djeshme tre veçori të reja, të dizajnuara për ta bërë platformën më sociale dhe interaktive: butonin ”Repost”, një ”Hartë interaktive” dhe skedën „Friends“ brenda Reels. Qëllimi i këtyre risive është të ndihmojë përdoruesit të zbulojnë më shumë përmbajtje, të ruajnë lidhjet me miqtë dhe të shtojnë dukshmërinë e krijuesve dhe markave.

Përmes ”Repost”, përdoruesit mund të ndajnë postime publike dhe Reels direkt në feed-in e ndjekësve pa nevojën për screenshot apo aplikacione të jashtme. Përmbajtja e ribotuar shfaqet në një skedë të veçantë “Reposts” në profilin e tyre, me mundësi shkrimi personal përpos origjinalit.
Kjo përmbajtje mund të shfaqet edhe në feeds të ndjekësve dhe të amplifikohet përmes algoritmeve të rekomandimeve, duke rritur shtrirjen përtej audiencës origjinale.Lexo edhe: Meta fshin 6.8 milionë llogari WhatsApp-i të lidhura me grupet kriminale

”Harta Instagram”, kjo veçori lejon përdoruesit të ndajnë vendndodhjen e fundit aktive me miqtë e zgjedhur dhe të zbulojnë përmbajtje të etiketuar në vende të ndryshm, nga evente tek vendet e njohura. Është një funksion opt‑in, me kontroll të hollësishëm privatësie dhe me mundësi për mbikëqyrje prindërore për adoleshentët

Skeda ”Friends” në Reels: Ky seksion tregon përmbajtjet që miqtë kanë komentuar, pëlqyer ose ribotuar, një mënyrë për të ndarë momente mes njëri-tjetrit. Përdoruesit mund të kontrollojnë kush sheh aktivitetin e tyre, të fshehin pëlqimet apo të  bëjnë„mute“lëvizjet e caktuara nga të tjerët

Reagimet dhe kritikat

Pavarësisht funksionaliteteve të dobishme, përdoruesit online kanë vërejtur ngjashmëri të theksuar me platformat rivale. Repost ngjan me retweet-in e X (Twitter), Harta pasqyron Snap Map-in e Snapchat, ndërsa Stories dhe Reels ishin më parë pjesë e tentativave për të rivalizuar Snapchat dhe TikTok. Si rezultat, nuk kanë munguar akuza për mungesë origjinaliteti në platformë