Në një takim në Montreal, Autoriteti Ndërkombëtar i Aviacionit Civil (ICAO), u zotua të mbështesë arritjen e objektivit për zero emetime karboni deri në vitin 2050. Plani u pranua nga 193 vendet që janë anëtare të ICAO.
Megjithatë grupet e gjelbra thonë se marrëveshja është e dobët dhe jo ligjërisht e detyrueshme. Kur bota u mblodh në Paris në 2015 për të rënë dakord për një plan afatgjatë për të trajtuar ndryshimet klimatike, dy industri kryesore mungonin – aviacioni dhe transporti detar.
Industria e linjave ajrore kontribuon me rreth 2.5% të emetimeve globale të karbonit, por shkencëtarët besojnë se ka një ndikim shumë më të madh në ndryshimet klimatike sesa sugjeron kjo shifër.
Lexo edhe: Nis fluturimin avioni i parë i pasagjerëve, tërësisht elektrik
I dërguari i posaçëm presidencial i SHBA për ndryshimet klimatike, John Kerry, e përshëndeti marrëveshjen.
Me 193 vende anëtare, ICA është organi i OKB-së i ngarkuar me rregullimin e gjurmës së karbonit të udhëtimeve ajrore – ata kanë qenë nën presion në rritje nga konsumatorët dhe shkencëtarët që të përpiqen të gjejnë mënyra për të dekarbonizuar udhëtimin ajror për disa vite, me sukses të kufizuar. / BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
