India planifikon të investojë 2 miliardë dollarë për industrinë e hidrogjenit të gjelbër - Business Magazine Albania

India planifikon të investojë 2 miliardë dollarë për industrinë e hidrogjenit të gjelbër

India po planifikon një program nxitës prej 2 miliardë dollarësh për industrinë e hidrogjenit të gjelbër, në një përpjekje për të ulur emetimet dhe për t’u bërë një lojtar i madh eksporti në këtë fushë.

Nxitja prej 180 miliardë rupi (2.2 miliardë dollarë) synon të ulë koston e prodhimit të hidrogjenit të gjelbër me një të pestën gjatë pesë viteve të ardhshme, tha një zyrtar i lartë qeveritar dhe një menaxher industrie që punon në energjinë e rinovueshme. Do ta bënte këtë pjesërisht duke rritur shkallën e industrisë, thanë ata.

Kostoja aktuale në Indi është 300 rupi deri në 400 rupi për kg, tha menaxheri.

Lexo edhe: Tubacion për të transportuar hidrogjen. Tre shtete të BE arrijnë marrëveshjen

Shtetet e Bashkuara dhe Bashkimi Evropian kanë miratuar tashmë stimuj me vlerë miliarda dollarë për projektet e hidrogjenit të gjelbër.

Hidrogjeni mund të përdoret si lëndë djegëse. Bëhet duke ndarë ujin me një proces elektrik, elektrolizë. Nëse pajisjet që e bëjnë këtë, elektrolizuesit, ushqehen me energji të rinovueshme, produkti quhet hidrogjen i gjelbër, një lëndë djegëse pa emetime serrë.

Kompanitë indiane si Reliance Industries, Indian Oil, NTPC, Adani Enterprises, JSË Energy dhe Acme Solar kanë plane të mëdha për hidrogjenin e gjelbër./ Reuters 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0