Indeksi Global i Qyteteve 2025, cilat qytete kryesuan renditjen këtë vit

Çdo vit, firma e konsulencës Oxford Economics, publikon Indeksin Global të Qyteteve, i cili përfshin një renditje gjithëpërfshirëse të 50 qyteteve më të mira në planet. 1,000 qytetet më të populluara vlerësohen bazuar në 27 tregues në pesë kategori të ndryshme (ekonomi, kapital njerëzor, cilësia e jetës, mjedisi dhe qeverisja).

Cili doli në krye për vitin 2025? Për të dytin vit radhazi, Nju Jorku kryesoi listën. The Big Apple shënoi 100 pikë dhe triumfoi në kategorinë e ekonomisë, falë PBB-së të madhe, të ardhurave të larta për person dhe faktit se është shtëpia e shumë selive të korporatave. Nuk mori shumë pikë në kategoritë e mjedisit dhe qeverisjes, duke u renditur përkatësisht në vendin e 168-të dhe të 161-të, dhe disa nga dobësitë e identifikuara përfshijnë barazi, shpenzime të larta për strehim dhe diversitet të vogël ekonomik.

Në vendin e dytë u rendit Londra, e cila gjithashtu ka ruajtur pozicionin e saj nga viti 2024, dhe shënoi 98.5 pikë. Kryeqyteti i Mbretërisë së Bashkuar nuk pati dobësi të ngjashme me NYC, por shkëlqeu falë numrit të universiteteve dhe intensitetit më të ulët të emetimeve të karbonit, si dhe madhësisë së PBB-së.

Lexo edhe;Abonimi falas në ChatGPT Plus për të gjithë banorët – UAE bëhet epiqendra e re e AI

I treti u rendit Parisi, me një rezultat 94.4. Kapitali njerëzor dhe cilësia e jetës ishin kategoritë kryesore të qytetit, dhe “shumë vende argëtimi dhe kulturore” e ndihmuan në renditje.

Dy qytete të tjera amerikane përmbyllën pesë vendet e para-  San Jose dhe Seattle – por tetë qendra amerikane ishin në 20 vendet e para.

Qytetet më të mira në botë, sipas Indeksit Global të Qyteteve:

1. 1. Nju Jork, SHBA
   2. Londër, Britani e Madhe
   3. Paris, Francë
   4. San Jose, SHBA
   5. Seattle, SHBA
   6. Melbourne, Australi
   7. Sidnej, Australi
   8. Boston, SHBA
   9. Tokio, Japoni
   10. San Francisko, SHBA
   11. Los Anxhelos, SHBA
   12. Uashington DC, SHBA
   13. Dublin, Irlandë
   14. Stokholm, Suedi
   15. Seul, Koreja e Jugut
   16. Cyrih, Zvicër
   17. Oslo, Norvegji
   18. Kopenhagen, Danimarkë
   19. Dallas, SHBA
   20. Toronto, Kanada

Time Out