Ideja jote për biznes është një program që shndërron ide të mëdha në biznese të mëdha. Përmes një tradite të përvitshme, ky program ndihmon sipërmarrësit shqiptarë që kanë një ide biznesi të ndërtojnë një biznes të mirëfilltë.
Pse duhet të merrni pjesë?
Bizneset e suksesshme fillojnë me punë, me lidhjet e duhura dhe me frymëzim. Nëse ju keni një ide dhe dëshironi ta ktheni atë në një biznes fitimprurës, programi “Ideja jote për biznes” mund t’ju ndihmojë. Nëse kërkoni t’i jepni jetë projektit tuaj, si dhe të ndërtoni një strategji biznesi, kjo është mënyra më e mirë për ta arritur këtë gjë.
Aplikoni për tu bërë pjesë e këtij programi dhe shfrytëzoni shansin për t’ja prezantuar idenë tuaj Grupit Balfin, Grupit më të madh të investimeve në Shqipëri.
Duke marrë pjesë në programin “Ideja jote për Biznes” ju përfitoni:
- Mundësinë për tu bërë pjesë e shoqërive të Grupit
- Mbështetje profesionale në realizimin e ideve tuaja
- Çmim monetar për të nisur biznesin tuaj
- Mundësinë për të qenë partner dhe bashkëpunëtor i Grupit Balfin
Balkan Finance Investment Group është një ndër grupet private investuese më të mëdha në Shqipëri dhe rajon. Portofoli i investimeve të Grupit mund të kategorizohet në aktivitete për zhvillimin e pasurive të paluajtshme, shitje me pakicë, menaxhim i hapësirave tregtare apo industriale dhe shërbime, telekomunikacion, fincancim i konsumatorëve, industri minerare, turizëm dhe agrikulturë. Balfin Group është një aktor kryesor në tregjet shqiptare dhe ato ndërkombëtare duke vepruar në 10 vende.
Nëse ende nuk e keni percaktuar fushën specifike të zbatimit të projektit tuaj, njohja me aktivitetin dhe veprimtarinë e shoqërive të Grupit nëpërmjet këtij website ju vjen në ndihmë për të qartësuar idetë.
Programi “Ideja jote për Biznes” është projektuar për një qëllim – për të kontribuar në ekonominë e vendit e për të ndihmuar gjeneratën e ardhshme të inovatorëve shqiptarë të jenë të suksesshëm edhe në tregjet globale.
Për të arritur qëllimin e tij, programi identifikon sipërmarrësit me idetë më premtuese përmes një proçesi konkurues, duke ofruar shpërblime për fituesit dhe ndihmë intensive follow-up.
Kliko këtu për të aplikuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
