Komiteti Teknik i Ekspertëve analizoi situatën epidemiologjike nga Covid-19 dhe duke u bazuar te rënia e numrit të infektimeve me 26.6 raste për 100 mijë banorë dhe fataliteteve, vendosi që do të hiqet karantina dy javore për personat që vijnë nga Greqia dhe Maqedonia e Veriut. Gjithashtu një tjetër masë që do të hiqet në ditët në vijim është edhe ndalimi i studenteve në auditore. Ministrja Manastirliu shpjegoi se studentët do të kthehen në auditore vetëm për konsultime dhe provime, por duke respektuar rreptësisht masat e frenimit të përhapjes së Covid-19.
Me tej Ministrja shpjegoi se kemi rënie të pozitivitetit total me 3.8%, numri i të shtruarve është ulur në 116 të shtruar krahasuar me javën e ardhshme. Ndërkohë do të mbeten në fuqi masat e ndalimit të grumbullimeve dhe ora policore 22:00 deri në orën 6:00.
Manastirliu tha se deri më tani nuk ka asnjë vendim nga vendet e BE-së, lidhur me lëvizjen e qytetarëve në varësi të llojit të vaksinës që kanë kryer. Duke shpjeguar në shifra situatën epidemiologjike, Shefja e Shërbimit të Epidemiologjisë në ISHP, Silva Bino tha se përqindja e pozitivitetit ka arritur nën 5%. Diçka që sipas ekspertes nuk ka ndodhur më parë në vendin tonë.
“Incidenca e rasteve është e ulët në të gjitha Bashkitë e mëdha, përveç Lezhës e Kukësit. Vaksinimi ka ndikim të drejtpërdrejtë në uljen e vdekshmërisë, dhe Gjirokastra deri tani ka mbulesën më të lartë vaksinale për shkak dhe të popullsisë më të moshuar. Qarqet e tjera janë, Vlora, Fieri, por mbrapa nuk ngelet as Tirana. Dua të them që vaksinimi po ecën me ritme të shpejta, dhe strategjia që kemi ndjekur, mbushjen e popullatës me dozën e parë, shembull nga Britania e Madhe, është strategji që duket se ka sukses”, ka shpjeguar Bino. Më tej ekspertja e ISHP shtoi se vdekjet janë mbi 60 vjeç.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
