Hilton: Drejt të ardhmes ‘Mobile’ - Business Magazine Albania

Hilton: Drejt të ardhmes ‘Mobile’


NEW YORK: Hilton Worldwide ka shprehur besimin se numri i klientëve të cilët përdorin pajisjen e tyre mobile për rezervime do të ndihmojë markat që operojnë në sektorin e akomodimit për të perceptuar më mirë se çfarë do të ndodhë në të ardhmen.

Christine Hight, zyrtare e marrëdhënieve me klientin tek Hilton Worldwide, e diskutoi një subjekt të tillë në konferencën Bota Mobile – Mobile World.

Ajo deklaroi se një grup i tërë konsumtorësh mbështeten vetëm tek smartfonët e tyre për tu angazhuar në aktivitete të tilla si kërkim dhe rezervim dhomash, duke e gjetur hotelin e tyre që në fillim të udhëtimit, duke dhënë review-s për përvojat e tyre etj.

“Aktualisht ky numër është më pak se 10% i popullsisë, por ne besojmë vërtet se kjo është një shkëndijë që tregon si do të jetë e ardhmja,” – u shpreh ajo.

Sipas studimeve të Hilton Worldwide, këta ‘përqafues të shpejtë të ndryshimit’ (early adapters – Termi në anglisht), përmbajnë karakteristika dhe preferenca të përbashkëta.

“Ajo që del në pah nga studimi është se ata (early adapters) ishin kryesisht mosha të reja, por gjithashtu shfaqeshin të ishin më tepër udhëtarë me qëllime biznesi (Business Traveller – Termi në anglisht) të cilët kryenin veprimet në kohën kur ktheheshin në destinacion.” –  vërejti Hight.

“Çfarë tregon kjo? Njerëzit të cilët janë mësuar të përdorin pajisjet e tyre mobile për të realizuar punët e tyre, tentojnë ti përdorin ato edhe për aktivitete të tjera si udhëtimi.

“Pra duke qenë të kënaqur me atë që bëjnë si punë për të jetuar dhe me aktivitetet …ata janë gjithashtu më të interesuar të rezervojnë aktivitetet e tyre kur kanë arritur diku.”

Kjo tip audience duket se pëlqente edhe aksesin tek programet shpërblyese të besnikërisë – siç është HHonors ofruar nga Hilton – nëpërmjet të cilave përfitojnë benefite shtesë për kompanitë apo në hapësirat akomoduese.

Rezultatet e mësipërme tregojnë vlerën që markat mund të përftojnë duke pasur një njohuri më të thellë të teknologjisë mobile.

“Teknologjia e re dhe përdorimi i pajisjeve mobile kanë transformuar jetët tona, duke përfshirë edhe jetët e personave që blejnë si produkte të ndryshme ashtu edhe shërbimet e akomodimit,” – e mbylli fjalën e saj Hight.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0