Hapet parku i lojërave Ferrari, në Europë - Business Magazine Albania

Hapet parku i lojërave Ferrari, në Europë

Teknologji
1069
~4 minuta lexim


Parku i Ferrarit – mund të duket fantazi por shumë shpejt do të ndërtohet një park me mini Ferrari ku do të bëhen xhirot më shpejta në Europë.

Një labirint me xhiro super të shpejta do të mbajë logon e kompanisë Italiane të makinës Ferrari, e cila do të hapet në parkun e lojërave PortAventura në Spanjë në 7 Prill. Edhe pse tashmë ka një Ferrari World në Dubai, ky është parku i parë i këtij lloji që hapet në Europë.

Xhirot do të sjellin shpejtësinë dhe dizajnin e makinës më të famshme. Ky park do të ketë një Vertical Accelerator, i cili është dhe roller coaster-i më i lartë në Europë 112 m dhe arrin 180 kmph në vetëm 5 sekonda.

Xhiro të tjera shkojnë përtej shpejtësisë më të lartë, si për shembull Kulla Bounce-Back e cila krijon lëvizje që duken si një motor “i tërbuar.”

 

“Sekretet e këtij parku pritet të zbulohen së shpejti, bëni durim,” shkruhet në faqen e parkut të lojërave.

Toka e Ferrarit gjithashtu do t’i kushtojë një rëndësi të veçantë markës prodhuese të makinave. Një fshat Italian artificial do të përfshihet brenda në park, ku do të vendosen makina të Formula One dhe modele të ndryshme të makinave përgjatë rrugëve. Brenda parkut ndodhen gjithashtu restorante të ndryshme si Trattoria e cila ofron ushqime të shpejta dhe një rikrijim i restorantit të preferuar të shoferëve të Formula 1 në Maranello.

Vizitorët mund të blejnë bileta për në Tokën e Ferrarit dhe PortAventura, për 55$ (apo 52£) për të rriturit në dyja parqet në të njëjtën ditë.

/Mashable

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Karriera jote është një ndërtim, jo një garë.”
— Seth Godin
Tags:
Nga kategoria
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0
sq sq