Ka hapur siparin në edicionin e tij të 25-të Panairi i Librit. Ky është viti i parë pas pandemisë, ku panairi rikthehet plotësisht i hapur për lexuesit, pa kufizimet Covid.
Në eventin e hapjes, organizatorët theksuan prirjen e rritjes së çmimeve të librave, si rezultat i rritjes së çmimit të letrës. Ndaj ata kërkuan një politikë më të favorshme fiskale nga ana e qeverisë. Shembullin e sollën nga tregjet europiane, ku që në prodhim taksa është vetëm 5%, ndërsa në Shqipëri është shumë më e lartë.
Botuesit kanë theksuar vazhdimisht nevojën e nxitjes së leximit përmes uljes së kostos së prodhimit dhe rrjedhimisht cmimit të librit, por kësaj radhe kërkesa vjen më e fortë.
Disa prej shtëpiv botuese e pranojnë që tashmë po aplikojnë çmime më të larta në masën 10-20% më shumë krahasuar me dy vite më parë.
Lexo: Italia fillon eksperimentet për katër ditë punë në javë
Ata rikujtojnë se kostot u rritën edhe nga vendimi fiskal më vitin 2019 për të rikthyer TVSH-në për librin.
Panairi i 25 i Librit “Tirana 2022” po zhvillohet në mjediset e Pallatit të Kongreseve, nga Shoqata e Botuesve Shqiptarë, duke nisur nga data 16 dhe do të jetë i hapur deri me 20 Nëntor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
